Emwi ne Evbibiemọ gha Yẹrẹro
Vbọre Esọhẹ nọ ghi ghan sẹ nu gha sẹtin rhie ne emọ nu biẹ? Emwi bun ne iran gualọ vbe obọ ruẹ. Usun emwi ne iran gualọ vbe obọ ruẹ keghi rẹ ahoẹmwọmwa, adia, kevbe igbaro ọghuẹ. Nọsọni, vbọrhirhighayehẹ, ẹsọhẹ nọ ghi ghan sẹ ehia nu gha sẹtin rhie ne iran keghi re irẹnmwi ọghe Jehova kevbe avbe ẹmwata nọ rre uwẹ Ẹmwẹ oghẹe nẹ e Baibol. (Jọn 17:3) Egbe irẹnmwi vberriọ gha sẹtin ru iyobọ ne ivbuẹ ya gha mwẹ ahoẹmwọmwa dae e Jehova kevbe ọ gha vbe ru iyobọ ne iran ya ye ekhọe hia gae, uhiẹn ke egbe ọmobọ gha dee.—Matiu 21:16.
Evbibiemọn nibun do bẹghẹ re nẹ wẹ iruẹmwi kevbe emwi na ru nọ ma bun gbe ẹre ọ yẹẹ ibiẹka sẹ. Rhunmwunda ọni, ma ghọghọe ne i ma ya kpemehe ebe na, Iruẹmwi e Baibol Ọghomwẹ. Edọmwadẹ iruẹmwi keghi re na mwamwaẹn na ya ma emọ emwi vbe odẹ ne khuẹrhẹ. Efoto kevbe evbagbẹnnẹ lelẹe keghi re na mwamwaẹn rhunmwunda emọ ni rre ukpo eha gha die otọ. Iwinna eso na zẹvbiro ne emọ gha ru keghi re na rhie bare. Iruẹmwi e Baibol Ọghomwẹ ẹre emwi na rhie ne ibiẹka ya gha kuu. Nọghayayerhiọ, tẹ a mwamwaẹn nu gha tiẹre ma ivbuẹ, kevbe ne uwẹ vbe ivbuẹ gha gu egbe guan sayọ.
Ma keghi mwẹ ọnrẹn vbe ilẹkẹtin wẹẹ ebe na gha ru iyobọ nuẹ zẹvbe nu ya ma ivbuẹ ẹmwata ọghe e Baibol “ke egbe ọvbokhan gha dee.”—2 Timoti 3:14, 15.
Etẹn uwa,
Ẹbu Nọ Su Ọghe Avbe Osẹe Jehova
[Efoto nọ rre ipapa 3]