AZA EBE ỌGHE Watchtower NỌ RRE INTANẸT
Watchtower
AZA ỌGHE EBE NỌ RRE INTANẸT
Edo
  • E BAIBOL
  • AVBE EBE KEVBE EVBA KPEE
  • IKO
  • yc iruẹmwi 1 ipapa 4-5
  • Emwi Ẹkhokho Nima Ghọghọ na Rẹn Vbekpa Re

E vidio rhọkpa i rre ako na.

Ghẹ gui, e vidio na ma sẹtin kpee rhunmwuda emwi eso nọ ya egbe kaẹn egbe.

  • Emwi Ẹkhokho Nima Ghọghọ na Rẹn Vbekpa Re
  • Ye Baibol Ma Ivbuẹ Emwi
  • Ọvbehe Nọ Khọe
  • De Emwi ne Ọre Emwamwa Ọghe Osanobua Dae Otagbọn?
    De Emwi ne Osanobua Hoo Vbe Obọ Mwa?
  • De Emwi Ne Osanobua Mwẹ Vbe Ekhọe Nọ Gu Yi Agbọn Na?
    Iyẹn Nọma Nọ Ke Obọ Osanobua Rre!
  • De Vbene Arrọọ Ghaa Ye Hẹ Vbe Paradais?
    Danmwehọ Osanobua Ne U Mieke Na Gha Rrọọ Vbe Etẹbitẹ
Ye Baibol Ma Ivbuẹ Emwi
yc iruẹmwi 1 ipapa 4-5
Avbe odibosa gha danmwehọ zẹvbe ne Jesu ya gu emwa guan vbekpae Arriọba Osanobua

IRUẸMWI 1

Emwi Ẹkhokho Nima Ghọghọ na Rẹn Vbekpa Re

Ọmwa rhọkpa he ta ẹmwẹ ẹkhokho ma ruẹ ẹdẹ ra?​​—⁠a E Baibol guan kan ẹmwẹ ẹkhokho ne kpataki na tiẹre ‘emwi ẹkhokho nọ huanrẹn.’ Ọ keghi re emwi nọ huanrẹn rhunmwuda obọ Osanobua ẹre ọ ke rre. Kevbe wẹẹ, a vbe tiẹre emwi ẹkhokho rhunmwuda emwa nibun ma rẹn vbekpa re. Uhiẹn avbe odibo vbe gha hoo niran rẹn sayọ vbekpa re. U hoo nu rẹn emwi ne emwi ẹkhokho na khin ra?​​—⁠

Vbe uwẹ a roro ghẹ avbe odibo ghaa hia niran gualọ otọre?

Vbe ẹghẹ nọ kakabọ kpẹ fua nọ gberra, Osanobua keghi yi okpia kevbe okhuo nokaro. Eni ọghe iran ke gha re Adam kevbe Ivi. Osanobua keghi bọ owa ne mose ne iran, na ghaa tiẹre ogba ọghe Idẹn. Akpawẹ te Adam kevbe Ivi họn ẹmwẹ ne Osanobua, iran kevbe emọ ne iran biẹlẹ gha te ye uhun otagbọn hia khian e paradais vbene ogba nii ghaa ye. Kevbe wẹẹ, iran gha te gha rrọọ vbe Paradais vbe etẹbitẹ. Sokpan u yerre emwi ne Adam kevbe Ivi ru ra?​​—⁠

Adam kevbe Ivi keghi he ẹmwẹ ye Osanobua obọ, ọni ẹre ọ siẹre ne ima i na rrọọ vbe paradais vbe ẹdẹnẹrẹ. Sokpan Osanobua khare wẹẹ, irẹn gha ye otagbọn hia khian nọ mose, kevbe emwa hia gha rrọọ vbe etẹbitẹ vbuwe oghọghọ. De vbene irẹn khian ya ru ọna hẹ? Vbe ẹghẹ nọ kpẹre gha dee, emwa ma rẹn. Ọ kegha re emwi ẹkhokho.

Vbe Jesu ghi sẹ agbọn, ọ ma emwa emwi vbekpae emwi ẹkhokho na. Ọ khare wẹẹ, ọ dekaẹn arriọba ọghe Osanobua. Jesu tama emwa ne iran na erhunmwu ne arriọba na rre. Ọ gha ye agbọn na khian e paradais ne mose.

Ọ sẹ ruẹ ọyẹnmwẹ nu rẹn vbekpae emwi ẹkhokho na ra?⁠​— Yerre wẹẹ, emwa ni họn ẹmwẹ ne Jehova ọkpa, ẹre ọ khian gha rrọọ vbe Paradais. E Baibol tama ima okha nibun ọghe ikpia kevbe ikhuo ni họn ẹmwẹ ne Jehova. U hoo nu ruẹ vbekpae iran ra?— Gima ruẹ vbekpae iran eso kevbe vbene ima khian ya yegbe ta iran hẹ.

TIẸRE VBE BAIBOL RUẸ

  • Mak 4:11

  • 1 Pita 1:12

  • Gẹnẹsis 1:26-28; 2:8, 9; 3:6, 23

  • Matiu 6:9, 10

  • Psalm 37:11, 29

a Vbe iruẹmwi hia ọghe ebe na, u gha bẹghe ama na (—) vbe odaro inọta eso. Ọna keghi re ẹghẹ nọ khẹke nu ya gbamẹ sawọn ne ovbuẹ ze ewanniẹ.

AVBE INỌTA:

  • Vbọzẹ ne agbọn na i na re paradais nia?

  • De emwi ẹkhokho kpataki ne Baibol guan kaẹn?

  • De emwi ne Jesu ma emwa re vbekpae emwi ẹkhokho na?

  • De emwi nọ khẹke ne uwẹ ru, nu mieke na gha rrọọ vbe Paradais?

    Ebe Edo Hia (2001-2025)
    Lọg Out
    Lọgin
    • Edo
    • Share
    • Vbene Ne U Gualọe Yi
    • Copyright © 2025 Watch Tower Bible and Tract Society of Pennsylvania
    • Vbene A Ya Loo Ẹre Hẹ
    • Uhi Nọ Dia Ayahọmwaehọ Ọghe Emwa Ni Loo E Wẹbsait Na
    • Privacy Settings
    • JW.ORG
    • Lọgin
    Share