Omuso Ọghe Abọ 7

Abọ na keghi guan kaẹn emwi nọ sunu vbe arrọọ ọghe Ọba e Sọl kevbe Ọba e Devid vbe ọwara ukpo 80. Vbe okaro, ọmwa imuegberriotọ kevbe nọ mwẹ imuohan Osanobua ẹre Sọl ghaa khin, sokpan vbene ẹghẹ ya khian, ọ keghi suẹn gha he ẹmwẹ ye Jehova obọ. E Jehova keghi he ẹre, ọ na ghi gie Samuẹl nọ ya hannọ e Devid zẹ nọ gha re ọba ọghe Izrẹl. Rhunmwuda ne Sọl na gha gbọvo e Devid ye ẹmwẹ na, ọ na gha gualọ odẹ ke odẹ nọ khian ya gbe Devid rua, sokpan e Devid ma rria ikhi ne egbe ẹre. Ovbi e Sọl nokpia na tie ẹre Jonatan keghi rẹn wẹẹ e Devid ẹre Jehova hannọ zẹ, ọni ẹre ọ si ẹre ne ọ na gha mwẹ ẹkoata dae Devid. E Devid keghi ru orukhọ nọ wegbe, sokpan ọ keghi miẹn adia ne Jehova rhie nẹ yi. Adeghẹ evbibiẹ ọmọ ẹre u khin, ru iyobọ ne ovbuẹ ya rẹn, vbene ọ ru ekpataki hẹ na gha ku obọ gbe ba emwamwa ọghe Osanobua vbe ẹghẹ hia.