Dọmwadẹ Uhunmwuta Ni Rre Uwu Ẹre

Ako iruẹmwi na rhan otọ re, odẹ ne ima gha ya sẹtin ye emwi ewe ọghe ima “zẹ ọse” vbe ẹrinmwi. (Luk 16:9) Ọ vbe guan kaẹn odẹ ne ima gha ya si obọ zẹ vbe ẹmwẹ igho ne emwa nagbọn khu khian kevbe odẹ ne ima gha ya sẹtin ya ekhọe hia gha ga e Jehova.

De vbene Ivbiotu e Kristi gha ya sẹtin zinegbe vbe ọmwa ne iran hoẹmwẹ ọnrẹn gha wu? E Jehova keghi loo e Jesu Kristi, Ebe Nọhuanrẹn kevbe iko ọghe Ivbiotu E Kristi ya rhie ifuẹko ne ima. Ako iruẹmwi na gha ya ima rẹn odẹ ne ima gha ya sẹtin miẹn ifuẹko kevbe odẹ ne ima gha ya rhie ifuẹko ne emwa ni khiẹ.

Psalm 147 rhie igiọdu ne emwa ọghe Osanobua ne iran gha rho ẹre vbe ẹghẹ hia. Vbọ mobọ ya ọsian nọ gbẹn Psalm 147 gha rhie igiọdu ne emwa ọvbehe ne iran gha rhie urhomwẹ ne Jehova? Ako iruẹmwi na gha rhie ẹwanniẹn ye inọta na. Ọ gha vbe rhiẹre ma evbọzẹe ne ọ na khẹke ne ima ya egbe taa ọsian na.

Igbama nibun wa rhiegbe ye iwinna ugamwẹ ọghe ẹghẹ hia. Uwẹ vbe vbo? U gha miẹn ibude nọ maan nọ hẹnhẹn egbe yan Ebe Nọhuanrẹn vbe ako iruẹmwi na, nọ gha ru iyobọ nuẹn ya ru azẹ nọ gha ya ruẹ sọyẹnmwẹ arrọọ.