Dọmwadẹ Uhunmwuta Ni Rre Uwu Ẹre

Ke ẹghẹ gha dee ẹre eguọmwadia e Jehova ke ya ihuan rhie urhomwẹ gie ẹre. Abọ nọ ru ekpataki nọ vbe ugamwẹ ẹmwata. Sokpan ekhue ra ohan i gi emwa eso so ihuan vbe ehe ne emwa ọvbehe ye. De emwi eso ne ima gha ru, ne ima mieke na sẹtin ya ekhọe hia gha so ihuan urhomwẹ gie Jehova? Vbe ako iruẹmwi na, ma gha ziro yan evbọzẹe ne ọ na khẹke ne ima gha ya oghọghọ so ihuan vbe iko, azẹvbiro eso vbe rrọọ nọ gha ru iyobọ ne ima ya gha so ihuan ẹse.

Ma gha miẹn emwi kpataki ruẹ vbe emwamwa ọghe ẹvbo ne a lẹgbinna vbe otọ Izrẹl. Vbe ako iruẹmwi nokaro, ma gha guan kaẹn vbene emwa ni ru orukhọ ya lẹgbinna e Jehova vbe ẹdẹnẹrẹ. Vbe ako iruẹmwi nogieva, ma gha ziro yan vbene ima khian ya gha ya egbe tae Jehova hẹ vbe odẹ ne ọ ya yabọ, aro nọ ghaan ne ọ ya ghee arrọọ kevbe odẹ ne ọ ya buohiẹn ata.

Ako iruẹmwi eva na keghi hẹnhẹn egbe yan adia ne Pọl rhie ne Ivbiotu e Kristi vbe Kọlose. Nokaro keghi rhan otọ emwi ne ima gha ru vbe iziro nọ ma gba ọghe emwa nagbọn ghaa yẹẹ emwa nibun vbe ẹdogbo ne ima ye. Nogieva keghi gi ima rẹn odẹ ne ima gha ya biegbe ne emwi ke emwi nọ gha sẹtin ya afiangbe ne Jehova ve la ima ban.