Dọmwadẹ Uhunmwuta Ni Rre Uwu Ẹre

Ohoghe ne a ta ẹre ọ ghi wa re uyinmwẹ ne ọ gua emwa nibun obọ ro vbe ẹdẹnẹrẹ. Vbọ ya suẹn hẹ? De ohoghe nọ ghi khọ sẹ ke na ya bu agbọn tu agbọn gha dee? De emwi ne ima gha ru ne Esu ghẹ mu ima rẹrẹ? Vbe ima khian ya rhiẹre ma hẹ wẹẹ, emwa ni ta ẹmwata ma egbe ẹre ima khin? Vbe ima khian ya sẹtin gha loo Emadogua Ne A Ya Maa Emwa Emwi ya gie odẹ ọghe ẹmwata ma emwa vbe ikporhu? Ako iruẹmwi eva na gha zẹ ewanniẹn ye avbe inọta na.

Zẹvbe emwa ni ma gba, afiwerriẹ keghi lọghọ ima ne a ru. Ako iruẹmwi eva na gha ru iyobọ ne ima ya gha mwẹ ọfunmwegbe nọ sẹ otọ ẹko, ọ gha vbe ya ima mu ẹtin yan Jesu Kristi nọ re Ọkaolotu ọghomwa, vbe emwi gha ye udemwurri fiwerriẹ vbe arrọọ ọghe ima.