Ẹtin Nọ Rre Ẹmwẹ Ọghe Osanobua Loo Ruẹ Vbe Ẹdẹgbegbe Ra?

E Baibol na tie vbe ẹdẹgbegbe gha sẹtin ru iyobọ nẹ ima ya gha re nọ ‘gbọzinnia’ kevbe ‘nọ deziẹn vbuwe amuẹtinyan.’ (Kọl. 2:6, 7) Vbọrhirhighayehẹ, ne ẹtin nọ rre ẹmwẹ ọghe Jehova gha loo ima vbe ẹdẹgbegbe, te ima khian gha muẹn roro avbe ilele ni rrọọ kevbe a vbe gha yae ru emwi. (Hib. 4:12; Jems 1:22-25) Ebe Jọsua 1:8 keghi rhiẹre ladian, odẹ eha ne ima gha lele, ne evbagbẹn nọhuanrẹn ne ima tie mieke na biẹ ọmọ esi: (1) Gha tie evbagbẹn nọhuanrẹn “asọn kevbe avan.” (2) Ya ‘urhu ne khuẹrhẹ’ tiẹre, ọna rhiema nu gha tiẹre vbe odẹ nọ gha kie ẹkpotọ nuẹ ya gha roro kaan emwi nu tie kevbe nu sẹtin ya aro ekhọe ruẹ bẹghe vbene emwi ghaa ye hẹ kevbe ẹghẹ ne emwi ne u tie ya sunnu. (3) Ya ekhoe hia lele “emwi hia na gbẹnnẹ yọ.” Adeghẹ ima na gha lele avbe azẹvbiro na, ọna gha ye ima ‘gha mwẹ adogbannọ’ kevbe ima ghi vbe gha ‘ya ẹwaẹn ru emwi’ vbe ẹdẹ ya fi ẹdẹ.