Ogbewerriẹ Ọghe Evba Ruẹre Vbe Owebe Ukhamwosa
A gha guan yan avbe inọta na vbe Owebe Ukhamwosa vbe uzọla nọ suẹnrẹn vbe December 28, 2015. A keghi gbẹnnọẹn ladian, uzọla nọ khin, na khian ya guan yan dọmwadẹ uhunmwu ẹmwẹ, na mieke na sẹtin ru ezanzan yọ, vbuwe ẹghẹ na ya muegbe khẹ ne iko ọghe owebe.
E Devid gele gbele emwa ne irẹn khọn mu rua vbe odẹ ọghe ọhanabe zẹvbe ne emwa eso ya rhan otọe 1 Krọnikol 20:3 ra? [Nov. 2, w05 2/15 ipapa 27]
De emwi nọ gua e Devid kpa nọ ya gha zemwiobọ, kevbe de emwi nọ khian ru iyobọ ne ima vbe ya ru vberriọ? (1 Krọ. 22:5) [Nov. 9, w05 10/1 ipapa 11 okhuẹn 7]
De emwi ne Devid yae kha nọ na tama e Solomọn wẹẹ: “Rhan obọ miẹn Osanobua erha?” (1 Krọ. 28:9) [Nov. 16, w10 11/1 ipapa 30 okhuẹn 3, 7]
De emwi nọ rre Solomọn ekhọe zẹvbe nọ guaero ighẹ erhunmwu ne irẹn na vbe ebe 2 Krọnikol 1:10, kevbe de emwi ne ima gha miẹn ruẹ deghẹ ima na gha zanzaẹn ghee aro erhunmwu ne ima na gie Jehova? (2 Krọ. 1:11, 12) [Nov. 23, w05 12/1 ipapa 19 okhuẹn 6]
Zẹvbe nọ rre ebe 2 Krọnikol 6:29, 30, de emwi ne Jehova sẹtin ru, ne ọmwa ọvbehe i sẹtin ru, kevbe vbọsiẹ nọ na khẹke ne ima gha fannọ otọẹko ima ma e Jehova? (Psm 55:22) [Nov. 30, w10 12/1 ipapa 11 okhuẹn 7]
De emwi ne Asa rhunmwuda re na erhunmwu wẹẹ ne irẹn sẹtin khọnmiotọ yan okhọngborrie ọghe ivbi iyokuo, kevbe de ilẹkẹtin ne ima khian gha mwẹ vbe nọ dekaan okuo ne ima khọn vbe odẹ ọghe orhiọn? (2 Krọ. 14:11) [Dec. 7, w12 8/15 ipapa 8 okhuẹn 6–ipapa 9 okhuẹn 1]
De vbene obọ ne Jehova ya mu Ọba e Jehosiafat ya rhie ilẹkẹtin ne ima hẹ wẹẹ irẹn hoẹmwẹ ima, kevbe de aro nọ khẹke ne ima ya gha ghee emwa ọvbehe rhunmwuda ọna? (2 Krọ. 19:3) [Dec. 14, w03 7/1 ipapa 17 okhuẹn 13; cl ipapa 245 okhuẹn 12]
. Vbọsiẹ ne ima gha na ‘mudia ye ihe ọghe [ima]’ kevbe ne ima ‘mudia hii’ vbe ẹdẹnẹrẹ, kevbe de vbene ima khian ya ru vberriọ hẹ? (2 Krọ. 20:17) [Dec. 21, w05 12/1 ipapa 21 okhuẹn 2; w03 6/1 ipapa 21 okhuẹn 15-16]
De emwi kpataki ne ebe 2 Krọnikol 21:20 ye ima re rre ne ima khian gha mu roro vbe nọ dekaan uwu ọghe Jehoram? [Dec. 21, w98 11/15 ipapa 32 okuẹn 4]
. Zẹvbe nọ rre ebe 2 Krọnikol 26:5, de ọmwa nọ kọ uyinmwẹ esi ye Uzaia ekhọe vbe ọ rre ọvbokhan, kevbe de vbene avbe igbama khian ya miẹn ere hẹ vbe obọ eniwanrẹn vbuwe iko vbe ẹdẹnẹrẹ? [Dec. 28, w07 12/15 ipapa 10 okhuẹn 2, 4]