Adeghẹ Ọvbokhan Ẹre U Ka Wa Miẹn Vbe Owa

Adeghẹ ọvbokhan ẹre u ka wa miẹn vbe owa, ọ khẹke ne ima nọ ẹmwẹ evbibiẹ ọre. Ọna rhiema wẹẹ ima rhie ọghọ ne evbibiẹ ọre. (Itan 6:20) Adeghẹ ne ọvbokhan na tama ima, ne ima la uwu owa, ọ ma khẹke ne ima la uwu owa. Adeghẹ evbibiẹ ọre i rre owa, ma sẹtin rre vbe ẹdẹ ọvbehe.

Adeghẹ ne ọvbokhan vbe waan nẹ kherhe, egbọre ọ khian ehọnrre nẹ, ọ ye khẹke ne ima nọ ẹmwẹ evbibiẹ ọre. Adeghẹ evbibiẹ ọre i rre owa, ma sẹtin nọ rẹn deghẹ evbibiẹ ọre gha kue nọ tie ebe ima. Adeghẹ ọ na wẹẹ ẹẹn, ma sẹtin rhie ebe ima nẹ ra ma sẹtin rhie ekhọe ọghẹe ghee jw.org.

Vbe a gha werriegbe mu otuẹ gie igbama nọ mwẹ ẹkorhiẹnrhiẹnmwẹ, ọ khẹke ne ima tama rẹn wẹẹ, ma hoo ne ima miẹn evbibiẹ ọre. Ma gha ru ọna, ẹkpotọ ghi kie ne ima ya rhaan otọre ma iran evbọzẹ ne ima na rre kevbe wẹẹ ima ghi vbe miẹn ẹkpotọ ya gi iran rẹn ibude nọ rre uwu e Baibol nọ gha ru iyobọ ne ẹgbẹe. (Psm 119:86, 138) Ọghọ ne ima rhie ne evbibiẹ iran, sẹtin ya iran gha mwẹ ẹkorhiẹnrhiẹnmwẹ ye ikporhu ne ima kpee, ọ na gha vbe kie ẹkpotọ ne ima ya kporhu ma emwa ọvbehe vbuwe ẹgbẹe nii.—1 Pit 2:12.