UYINMWẸ ỌGHE IMA NE IVBIOTU E KRISTI
Avbe Igbama—Uwa Ghẹ Siegbe Ne Uwa Ya Loo ‘Ẹkpotọ Nọkhua Nọ Kiere’
Ma sẹtin gha ghee ẹre wẹẹ ima i khian sẹtin khian ọmaẹn ẹdẹ kevbe wẹẹ, ma i khian sẹtin werriẹ aro daa ‘ẹghẹ oseghe’ nọ lele ọmaẹn khian vbe agbọn ọghe Setan. (Asan 12:1) Adeghẹ u na gha re igbama, ọ khẹke ne u gha roro wẹẹ ẹghẹ wa ye rrọọ, rhunmwuda ọni, evbakọnrẹn ọghe orhiọn vbene iwinna arọndẹ ye, i re emwi ẹgiẹgiẹ ra?
‘Evba ma hoo, evba ma kọ keghi dekun’ emwa hia yasẹ egbe avbe igbama. (Asan 9:11) “Wa ma he rẹn vbene ẹdẹ agbọn uwa gha ye hẹ akhuẹ.” (Jems 4:14) Rhunmwuda ọni, ghẹ gha laẹdẹ yọ, ne u ya khu evbakọnrẹn ọghe orhiọn. Uwa loo ‘ẹkpotọ nọkhua nọ kiere’ nia, ya winna iwinna ughughan vbe iko ọghe Jehova. (1 Kọr 16:9) U i khian gbe I ma rẹn hiehie.
Evbakọnrẹn ọghe orhiọn ne u gha sẹtin khu:
Urhuẹvbo ọvbehe na ya kporhu
Iwinna arọndẹ
Owebe ughughan ne otu ọghe Jehova mwamwaẹn
Ọgua arriọba kevbe ọgua asikoko na bọlọ
Iwinna e Bẹtẹl
Iwinna ọgbaroghe ọghe otako