UYINMWẸ ỌGHE IMA NE IVBIOTU E KRISTI

De Ẹghẹ Ne I Khian Ya Dọlegbe Ru Arọndẹ Ọghe Ovbi Ẹghẹ Kherhe?

Umian ọghe ọgua Osa ne Ezikiẹl miẹn rhiema wẹẹ emwa gha ya ekhọe obọ iran ru izọese gie Osanobua. De vbene ima khian ya gha mwẹ obọ vbe izọese ọghe urhomwẹ na rhie gie Osanobua?—Hib 13:15, 16.

Odẹ ọkpa kpataki ne ima khian ya ru vberriọ ọre na rhiegbe ye iwinna arọndẹ ọghe ovbi ẹghẹ kherhe. Uki nibun vbe ukpo ugamwẹ ọghe 2018 keghi mwẹ Satọde isẹn ra Sọnde isẹn. Ọna gha wa ru iyobọ ne emwa ni yo ikporhu vbe ẹdẹ uzọla rhunmwuda ne iran na winna vbe Mọnde ya sẹ Fraide. Ẹkpotọ vbe kie ne etẹn, ne iran ya rhie ughaẹdẹ 30 ra 50 ladian vbe uki March vbe April kevbe uki ne ọgbaroghe ọghe otako ya mu otuẹ gie iko ọghe iran.

Deghẹ ẹkpotọ ma ghi kie ne ima ya rhiegbe ye arọndẹ ọghe ovbi ẹghẹ kherhe ghi vbo? Ma sẹtin ye hia ne ima ru sayọ vbe iwinna ikporhu iyẹn nọ maan ọghe ima. Gi ahoẹmwọmwa ne ima mwẹ ne Jehova gua ima kpa ne ima ya ru vbene ẹtin ima sẹ vbe ukpo ugamwẹ ọghe 2018!—Hoz 14:2.

Sabina Hernández ya unu da ukeke yi ne ọ ya rhie obọ ye iwinna arọndẹ ọghe ovbi ẹghẹ kherhe — Vbia khian ya sẹtin yegbe taa izọghae ọghe Sabina Hernández hẹ?

VBE A GHA GHI GHEE ẸRE FO NẸ IGHE NE VIDIO VBENE JEHOVA NA RRỌ MWẸ IYEKE, AI MIẸN EMWI NE I I KHIAN SẸTIN RU, U GHI ZẸ EWANNIẸ YE AVBE INỌTA NA:

Vbọ gua e Sabina kpa nọ ya ru sayọ vbe ugamwẹ e Jehova?
De igiọdu ne igiemwi ọghe Sabina rhie nuẹ?
De uki ne u khian ya sẹtin ru arọndẹ ọghe ovbi ẹghẹ kherhe vbe ukpo ugamwẹ ọghe 2018?