“Ya Ọghọ Ne Erhaa Kevbe Iyuẹ”

Vbe ẹghẹ ne Jesu ya gha rre agbọn na, ọ wa gha niania iyi nọ khare wẹẹ: “Ya ọghọ ne erhaa kevbe iyuẹ.” (Ẹks 20:12; Mat 15:⁠4) Te Jesu wa gha si agbada vbe unu tae rhunmwuda irẹn wa gha “họn ẹmwẹ” ne evbibiẹ ọre vbe ọ rre ọvbokhan. (Luk 2:51) Vbe Jesu de agikpa nẹ, ọ keghi ru emwamwa yotọ na ya gbaroghe iyẹe vbe irẹn gha wu nẹ.—Jọn 19:26, 27.

Vbe ẹdẹnẹrẹ, igbama ni re Ivbiotu e Kristi keghi rhiẹre ma wẹẹ, iran ya ọghọ ne evbibiẹ iran lekpae ne iran na họn ẹmwẹ ne iran kevbe ne iran na ya ọghọ gu iran guan. Vbene ẹmwata, ọ khẹke ne ima gha lele iyi ọghe na ya ọghọ ne evbibiẹ ima vbe ẹghẹ hia. Uhiẹn vbe evbibiẹ ima gha khian ọmaẹn nẹ, te ọ khẹke ne ima ye gha ya ọghọ ne iran lekpae na gha danmwehọ iran, ne ima mieke na miẹn ẹwaẹn vbe obọ iran. (Itan 23:22) Ọ khẹke ne ima vbe ya ọghọ ne evbibiẹ ima ni khian ọmaẹn nẹ lekpae na gha ya egbe rhorho iran kevbe na gha gbaroghe iran. (1 Tim 5:8) Ọre ọvbokhan ima khin ra enọwanrẹn, na gha gu evbibiẹ ima guan vbe ẹghẹ hia keghi re odẹ ọkpa kpataki na ya rhie ọghọ ne iran.

VBE A GHA GHI GHEE ẸRE FO NẸ IGHẸ NE VIDIO ỌGHE KATUN NA VINNỌ YE EBỌDI DE VBENE I KHIAN YA SẸTIN GHA GU EVBIBIẸ MWẸ GUAN HẸ?, U GHI ZẸ EWANNIẸN YE AVBE INỌTA NA:

• Vbọsiẹ ne ọ na lọghọ vbe ugbẹnso na gu evbibiẹ ima guan?

• De vbene u khian ya rhie ọghọ ne evbibiẹ ruẹ vbe u ghaa gu iran guan?

  

• De ere na miẹn vbọ vbe a gha hia vbe odẹ ke odẹ na gu evbibiẹ ọmwa guan? (Itan 15:22)