UYINMWẸ ỌGHE IMA NE IVBIOTU E KRISTI
Evbibiẹ Emọ, Uwa Ru Iyobọ Nọ Khẹke Ne Ivbi Uwa Ne Iran Mieke Na Musọe
Evbibiẹ Emọ, Uwa Ru Iyobọ Nọ Khẹke Ne Ivbi Uwa Ne Iran Mieke Na Musọe Emwi ne evbibiẹ emọ ni hoẹmwẹ e Jehova gualọ ọre ne ivbi iran mudia ẹse vbe ugamwẹ ọghe Jehova. Odẹ ọkpa ne evbibiẹ emọ khian ya ru iyobọ ne iran ya sẹtin mudia ẹse ọre ne iran ke egbe ọvbokhan gha ya e Baibol maa ivbi iran emwi. (Diut 6:7; Itan 22:6) Emwi nọ khuẹrhẹ na khin ra? Hiehie! Sokpan ere na khian miẹn vbọ sẹ ẹrhiọn na loo yọ.—3 Jọn 4.
Evbibiẹ emọ gha miẹn emwi nibun ruẹ vbe obọ e Josẹf vbe Meri. “Ukpo ukpo” ẹre iran ya gha do Ugie Alagberra vbe Jerusalẹm, agharhemiẹn wẹẹ ẹrhiọn kevbe igho ne iran ghaa loo yọ i re nekherhe. (Luk 2:41) Ọ vẹ na rẹn wẹẹ ẹgbẹe nọ wa mu iwinna orhiọn ye okaro ẹre iran ghaa khin. Vbe ẹdẹnẹrẹ, evbibiẹ emọ gha vbe sẹtin dia ivbi iran ye odẹ nọ khẹke, deghẹ iran na gha loo ẹkpotọ nọ rhirhi kie ya maa ivbi iran emwi; iran gha sẹtin ru ọna lekpae ẹmwẹ ne iran ta kevbe uyinmwẹ ọghe iran.—Psm 127:3-5.
A GHA GHI GHEE ẸRE FO NẸ IGHẸ NE VIDIO IRAN KEGHI LOO ẸKPOTỌ HIA NỌ KIE NE IRAN, A GHI RHIE EWANNIẸN YE AVBE INỌTA NA:
De vbene Jon vbe Sharon Schiller ya mu iwinna ugamwẹ ye okaro hẹ, vbe iran koko ivbi iran?
Vbọzẹe ne ọ na khẹke ne evbibiẹ emọ gha rhie adia ne ivbi iran, zẹvbe ne ẹwaẹn iran vbe sẹ?
De vbene evbibiẹ emọ khian ya ru iyobọ ne ivbi iran hẹ, ne iran ya sẹtin mudia gbain vbe iran ghaa werriẹ aro daa edanmwẹ ọghe amuẹtinyan?
De emadogua eso ne otu ọghe Jehova kpemehe ẹre, ne u he loo ya ru iyobọ ne ivbuẹ ya gha mwẹ alaghodaro vbe odẹ ọghe orhiọn?
Gi iwinna ugamwẹ gha re emwi ne uwa mu ye okaro vbe ẹgbẹe ọghe uwa