Ọtuẹn Vbe Rre Usun Emwa Ne Jesu Wu Na

Emwa ni ma gba ẹre Jesu wu na. (Rom 5:8) Ma wa gbọyẹmwẹ yọ wẹẹ Jesu rhiẹre ma wẹẹ irẹn hoẹmwẹ ima lekpae ne ọ na ya arrọọ ọghẹe dẹ ima werriegbe. Sokpan, te ọ khẹke ne ima gha yee egbe ima re rre vbe ugbẹnso wẹẹ, etẹn ima vbe rre usun emwa ne Kristi wu na. De vbene ima khian ya hoẹmwẹ etẹn ima nikpia kevbe nikhuo ni ma gba vbene ima vbe ye, zẹvbe ne Kristi vbe hoẹmwẹ iran? Gia ziro yan odẹ eha. Vbe okaro, te ọ khẹke ne ima gha gu emwa hia muobọ, ya sẹ egbe emwa ni lughaẹn ne ima. (Rom 15:7; 2 Kọr 6:12, 13) Nogieva, te ọ khẹke ne ima gha begbe, ne ima ghẹ ru emwi ra ne ima ghẹ ta ẹmwẹ nọ gha sọnnọ emwa ọvbehe. (Rom 14:13-15) Nogieha ọre wẹẹ, deghẹ ọmwa na ru ima emwi khọọ, te ima gha hia ne ima rherhe yabọ ọre. (Luk 17:3, 4; 23:34) Adeghẹ ima na hia ne ima gha ya egbe tae Jesu vbe odẹ eha na, e Jehova gha fiangbe iko ọghomwa, ma ghi do gha mwẹ ọfunmwegbe kevbe akugbe.

VBE A GHA GHI GHEE ẸRE FO NẸ IGHẸ NE VIDIO GHA RU EMWI NỌ GHA YA RUẸ GHA MOSE SAYỌ!, U GHI ZẸ EWANNIẸN YE AVBE INỌTA NA:

• 

  De aro ne Miki ya gha ghee iko ọghẹe vbe ọ da sẹ evba?

• 

  Vbọsiẹ ne ọ na ghi fiwerriẹ?

• 

  De vbene igiemwi ọghe Jesu ya ru iyobọ ne Miki hẹ, ne ọ ya fi iziro ọghẹe werriẹ? (Mak 14:38)

• 

  De vbene Itan 19:11 khian ya ru iyobọ ne ima, ne ima gha ya aro nọ maan ghee etẹn ima?