EMWI EWE NI RRE UWU ẸMWẸ ỌGHE OSANOBUA | 1 KỌRINTI 10-13

Osanobua Gha Yan, Te Ọ Muẹn Sẹ

10:13

Ọtẹn nokhuo ọkpa gha mu ọlọghọmwa nọ ye roro, ọ na erhunmwu vbekpa re, ọ na ghi ya deba ọtẹn nokhuo ọvbehe winna vbe ikporhu

E Jehova sẹtin sọfurre ye ọlọghọmwa ne ima werriẹ aro daa. Sokpan emwi nọ mobọ ru ọre wẹẹ, ọ keghi “rhie ẹtin ne ima” lekpae ne ọ na kpemehe emwi nọ gha ru iyobọ ne ima ya sẹtin zin egbe ẹre.

Ọ sẹtin ya Ẹmwẹ ọghẹe, orhiọn nọhuanrẹn ọghẹe kevbe evbare orhiọn ne irẹn kpemehe ẹre ya fu ima ekhọe rre.—Mat 24:45; Jọn 14:16; Rom 15:4
Ọ sẹtin ya orhiọn nọhuanrẹn ọghẹe yee ima ẹre rre, ako eso vbuwe Baibol kevbe ilele eso ne ima mieke na rẹn owẹ nọ khẹke ne ima zẹ.—Jọn 14:26
Ọ sẹtin loo avbe odibo ọghẹe ya ru iyobọ ne ima.—Hib 1:14
Ọ sẹtin loo etẹn ne ima gba ga ya ru iyobọ ne ima. —Kọl 4:11