‘Ma I Khian Gi Ẹtin Fo Ima’

4:16-18

Gia kha wẹẹ, ẹgbẹe eva rre owa ọkpa; nene owa khian ọmaẹn nẹ, ekherhe ẹre ọ ghi vbe kẹ nọ de. Vbuwe ẹgbẹe eva na, iro na wa han ọkpa vbọ. Sokpan ẹgbẹe nọkpa keghi ghọghọ. Vbọsiẹ ne iran na ghọghọ? Rhunmwuda iran gha rherhe si la owa ọgbọn ne mose mose.

Agharhemiẹn wẹẹ, “emwi ne a yi hia wa manọ umanọmwẹ obalọ” do fi vbene a guan na, ayayẹro ne eguọmwadia Osanobua mwẹ ẹre ọ rhie ẹtin ne iran. (Rom 8:22) Ọlọghọmwa ughughan ẹre ima werriẹ aro daa vbe ẹdẹnẹrẹ, ọ gha kẹ, eso rrọọ ne ima werriẹ aro daa ke ẹghẹ nọ kpẹre gha dee; vbọrhirhighayehẹ, ma rẹnrẹn wẹẹ te avbe ọlọghọmwa na ye “kherhe,” kevbe wẹẹ, te ọ “rrie gberra khian,” vbe a gha yae taa arrọọ ọghe etẹbitẹ ne ima khian sọyẹnmwẹ ọnrẹn vbe agbọn ọgbọn nọ dee. Adeghẹ ima na gha muẹn roro avbe afiangbe ne ima khian miẹn vbe Arriọba Osanobua, ọ gha ya ima gha sọyẹnmwẹ, ẹghẹ nii, ẹtin i ghi fo ima.