Ere Ne Etẹn Ni Rre Caribbean He Miẹn Rhunmwuda Iyobọ Ne Ima Ru Ne Etẹn Ni Rre Uwu Ọlọghọmwa

Zẹvbe nọ ghaa ye vbe orre nokaro, ẹkpotọ keghi kie ne ima ne Ivbiotu e Kristi ni rrọọ vbe ẹdẹnẹrẹ, ne ima ya rhiẹre ma wẹẹ, ima hoẹmwẹ etẹn ne ima gba ga ne oguomiẹrẹ sunu daa. (Jọn 13:34, 35) Ghee vidio nọ mwẹ uhunmwuta nọ khare wẹẹ, Vbene Etẹn Ya Rhie Ahoẹmwọmwa Ma—Iyobọ Na Ru Ne Etẹn Ni Rre Ẹvbo Ne Amẹ Gbodin Lẹga, ne u mieke na rẹn vbene Ivbiotu e Kristi ya ru iyobọ ne etẹn nikpia kevbe etẹn nikhuo ni rre Caribbean, vbe iyeke ọni, u ghi rhie ewanniẹn ye avbe inọta na:

• De ọlọghọmwa ne etẹn ima werriẹ aro daa vbe Caribbean, rhunmwuda okpẹhoho nọ lae na tiẹre Hurricane Irma kevbe Hurricane Maria?

• De vbene Jehova he ya loo etẹn ya ru iyobọ ne etẹn ne oguomiẹrẹ sunu daa vbe Caribbean?

• De vbene ọ ghaa ye hẹ ne emwa ne oguomiẹrẹ sunu daa vbe iran ghi bẹghe vbene etẹn hoẹmwẹ iran hẹ?

• Inu etẹn nikpia kevbe etẹn nikhuo ẹre ọ he mwẹ obọ vbe iyobọ na ru ne etẹn ne oguomiẹrẹ sunu daa vbe Caribbean?

• De vbene ima hia khian ya ru iyobọ ne etẹn ne oguomiẹrẹ sunu daa?

• Ugbẹnvbe u ghi ghee vidio na nẹ, vbọ ghi ye ruẹ hẹ, rhunmwuda ne u na re ọkpa vbe otu na nọ mwẹ ahoẹmwọmwa?