UYINMWẸ ỌGHE IMA NE IVBIOTU E KRISTI
U Gha Sẹtin Musọe Agharhemiẹn Wẹẹ U Mwẹ ‘Igban’ Nọ Solo Ruẹ Vbuwe Egbe!
Vbe okiekie ẹdẹ ne ima ye na, eguọmwadia Osanobua hia keghi mwẹ ọlọghọmwa nọ yevbe igban nọ solo iran. (2 Tim 3:1) Vbọ khian ru iyobọ ne ima ya mu ẹtin yan e Jehova, ne ima mieke na sẹtin la avbe ọlọghọmwa na gberra? Ghee vidio nọ mwẹ uhunmwuta nọ khare wẹẹ, “Avbe Arhuaro Ghi Do Gha Bẹghe” ne u mieke na rẹn emwi ne Talita Alnashi kevbe evbibiẹ ọre ru, vbe iyeke ọni, u ghi rhie ewanniẹn ye avbe inọta na:
De ọlọghọmwa ne Talita mwẹ nọ yevbe ‘igban’ nọ solo ẹre vbuwe egbe?
De eyan ni rre uwu e Baibol nọ he ru iyobọ ne Talita kevbe evbibiẹ ọre, nọ ya iran mwẹ ayayẹro wẹẹ emwi hia gha dunna?
De vbene evbibiẹ e Talita ya rhiẹre ma wẹẹ, iran hẹnhẹn egbe yan e Jehova vbe Talita da ru operation ọghe aro?
De vbene evbibiẹ e Talita he ya loo emwi ughughan ne otu e Jehova kpemehe ẹre ya ru iyobọ ne Talita nọ mieke na hoẹmwẹ Osanobua?
De vbene Talita he ya rhiẹre ma wẹẹ irẹn mwẹ alaghodaro vbe odẹ ọghe orhiọn, agharhemiẹn wẹẹ ọ mwẹ ọlọghọmwa nọ yevbe ‘igban’ nọ solo ẹre vbuwe egbe?
De vbene igiemwi ọghe Talita ya rhie igiọdu nuẹ?