UYINMWẸ ỌGHE IMA NE IVBIOTU E KRISTI
De Aro Ne Jehova Khian Ya Ghee Ẹre?
Ma ke ru atamuolọyan rhọkpa, ma ka nọ egbe ima wẹẹ, ‘De aro ne Jehova khian ya ghee ẹre?’ Ẹmwata nọ wẹẹ, ma i khian sẹtin rẹn emwi hia ni rre Jehova ekhọe, sokpan Ẹmwẹ ọghẹe sẹ nọ gha dia ima, ne ima ya “winna iwinna nọ maan hia.” (2 Tim 3:16, 17; Rom 11:33, 34) Vbe Jesu rre agbọn, te ọ ka gha gualọ otọ emwi ne Jehova hoo ne irẹn ru, ọ ke ru emwi ke emwi. (Jọn 4:34) Te ima gha hia ne ima gha ru atamuolọyan nọ gha ya ẹko rhiẹnrhiẹn e Jehova, zẹvbe ne Jesu ru ẹre.—Jọn 8:28, 29; Ẹfis 5:15-17.
VBE A GHA GHI GHEE ẸRE FO NẸ IGHẸ E VIDIO NỌ MWẸ UHUNMWUTA NỌ KHARE WẸẸ GHA GUALỌ OTỌ EMWI NE JEHOVA HOO NE U RU (LẸV 19:18), A GHI ZẸ EWANNIẸN YE AVBE INỌTA NA:
Vbọzẹe nọ na khẹke ne ima gha ya ilele ọghe Baibol ru emwi vbe arrọọ ọghe ima?
De ilele eso nọ rre Baibol nọ gha sẹtin ru iyobọ ne ima, ne ima ya rẹn aro ihuan nọ khẹke ne ima gha danmwehọ ẹre?
De ilele eso nọ rre Baibol nọ gha sẹtin ru iyobọ ne ima, ne ima ya rẹn aro ukpọn ne ima gha yọ kevbe emwi itegbe ne ima gha loo?
De emwi eso ni gha sẹtin de rre vbe arrọọ ọghe ima, nọ na khẹke ne ima ya ilele ọghe Baibol ru emwi?
De vbene ima khian ya rẹn otọ ahoo ọghe Jehova sayọ hẹ?
Atamuolọyan ne I ru, gele rhiẹre ma wẹẹ asikẹgbe ne I gu e Jehova mwẹ wegbe ra?