Gha Begbe Vbe Odẹ Ne U Ya Sọyẹnmwẹ Egbe

Vbọzẹe nọ na khẹke ne ima gha begbe vbe odẹ ne ima ya sọyẹnmwẹ egbe? Ọ khẹke ne ima gha begbe rhunmwuda, ẹghẹ ke ẹghẹ ne ima ya ghee vidio, ne ima ya danmwehọ ihuan, ne ima ya lae wẹbsait rhọkpa, ne ima ya tie ebe ra ne ima ya gbe vidio gem, te ima hannọ emwi ne ima hoo nọ gha rre ima ekhọe. Adeghẹ ima ma gua hannọ, ọ sẹtin mu uyinmwẹ ọghe ima rhia. Emwi nọ da ọmwa nọ wẹẹ, emwi nibun ne emwa ghi ya sọyẹnmwẹ egbe vbe ẹdẹnẹrẹ keghi mwẹ emwi eso vbuwe ẹre, nẹi yẹẹ e Jehova. (Psm 11:5; Gal 5:19-21) Ọna ẹre ọ zẹe ne Baibol na rhie igiọdu ne ima, ne ima gha ru erria yan emwi nọ rhie uyi gie Jehova.—⁠Fil 4:⁠8.

VBE A GHA GHI GHEE ẸRE FO NẸ IGHẸ E VIDIO NỌ MWẸ UHUNMWUTA NỌ KHARE WẸẸ DE ODẸ NỌ KHẸKE NE I YA GHA SỌYẸNMWẸ EGBE? A GHI ZẸ EWANNIẸN YE AVBE INỌTA NA:

• 

  Ivbi e Rom eso gha khian sọyẹnmwẹ egbe vbe ẹghẹ nẹdẹ, iran ghi si egbe koko gha ghee emwa ni gbinna, de vbene ọna ya khọ odẹ ne emwa ya sọyẹnmwẹ egbe vbe ẹdẹnẹrẹ?

• 

  De vbene etẹn ni rre uwu iko khian ya ru iyobọ ne avbe igbama, ne iran mieke na rẹn odẹ nọ khẹke ne iran khian ya gha sọyẹnmwẹ egbe?

• 

  De vbene emwi nọ rre ebe Rom 12:9 khian ya ru iyobọ ne ima ya rẹn odẹ nọ khẹke ne ima ya sọyẹnmwẹ egbe?

• 

  De emwi eso ni maan ne emwa ya sọyẹnmwẹ egbe vbe ẹdogbo ne u ye?