UYINMWẸ ỌGHE IMA NE IVBIOTU E KRISTI

Na Rhiegbe Ye Ugamwẹ E Jehova Kevbe Na Rhiegbe Ye Iku Isasegbe, De Nọ Maan Sẹ?

Ọmọ okhuo ọkpa da emwi na ya gbe tennis yi vbe obọ, ọmọ okpia ọkpa da ebọru yi vbe obọ, ọmọ okpia ọvbehe vbe da ovbi erhan yi ne a ya gbe baseball

Iku isasegbe maan ra? Ẹẹn, sokpan na rhiegbe ye ugamwẹ e Jehova ẹre ọ maan sẹ. (1 Tim 4:8) Nọnaghiyerriọ, ọ khẹke ne Ivbiotu e Kristi gha ku iku isasegbe ye oreghe.

VBE A GHA GHI GHEE ẸRE FO NẸ IGHẸ E VIDIO ỌGHE KATUN NA VINNỌ YE EBỌDI NỌ MWẸ UHUNMWUTA NỌ KHARE WẸẸ EMWI NỌ KHẸKE NE U RẸN VBEKPAE IKU ISASEGBE, A GHI ZẸ EWANNIẸN YE AVBE INỌTA NA:

1. De emwi eso ne ima gha sẹtin ruẹ, vbe ima ghaa ku iku isasegbe?
2. Ma ke gha mwẹ obọ vbe iku isasegbe nọ rhirhi gha khin, de emwi eha nọ khẹke ne ima mu roro?
3. De adia ne ima miẹn vbe Psalm 11:5 nọ gha ru iyobọ ne ima ya rẹn aro iku isasegbe nọ khẹke ne ima gha ku, ra ne ima gha ghee?
4. De vbene ilele ni rre ebe Filipai 2:3 kevbe ebe Itan 16:18 ya dekaẹn odẹ ne ima ya ku iku isasegbe hẹ?
5. De vbene ebe Filipai 1:10 ya ru iyobọ ne ima ya rẹn wẹẹ, ọ ma khẹke ne ima gha loo ẹghẹ nọ bun gbe vbe ima ghaa ku iku isasegbe ra vbe ima ghaa ghee ẹre?