Hia Ne U Rẹn Otọre Ẹsẹse

U ghaa tie avbe okha ni rre Baibol, hia ne u rẹn otọre ẹsẹse. Hia ne u rẹn ẹmwẹ na ta sẹ evba, emwa ne ako nii guan kaẹn kevbe emwi nọ ya iran ru emwi ne iran ru. Ru erria yan ako ne u tie sẹrriọ wẹẹ, ọ ghi yevbe na miẹn wẹẹ, u bẹghe emwi nọ sunu vba, u họn ẹmwẹ ne iran ta kevbe wẹẹ emwi ughughan ni rre evba vbe winhin so ruẹ. U ghi vbe muẹn roro vbene emwi ghaa ye iran hẹ.

GHEE ABỌ NE KUẸI VBE VIDIO NỌ MWẸ UHUNMWUTA NỌ KHARE WẸẸ, GHA TIE BAIBOL VBE ODẸ NE U GHA YA MIẸN ERE VBỌ, VBE IYEKE ỌNI, A GHI ZẸ EWANNIẸN YE AVBE INỌTA NA:

• 

  De emwi eso ne ima gha sẹtin kha wẹẹ, ẹre ọ si ẹre ne Josẹf vbe etiọnrẹn ma na mobọ gha lẹruegbe?

• 

  De emwi eso ne ima gha sẹtin kha wẹẹ, ẹre ọ ya etiẹn e Josẹf gha ya ibalegbe ru emwi eso?

• 

  De emwi ne Baibol ya ima rẹn vbekpae aro ọmwa ne Jekọb ne erha e Josẹf ghaa khin?

• De igiemwi esi ne Jekọb rhie yotọ ne ivbi ẹre vbe nọ dekaẹn na gha ru adọlọ?

• De emwi ne u miẹn ruẹ vbe vidio na?