UYINMWẸ ỌGHE IMA NE IVBIOTU E KRISTI

E Jehova Keghi Gbogba Ga Emwa Rẹn

Okpia na nọ re Ovbi Izrẹl kevbe ovbi ẹre gha sanmwẹ esagiẹn ye onurho ọghe iran.

Te Ugie Alagberra nokaro ne Ivbi Izrẹl ru wa kakabọ ru ekpataki. Vbe Fero ghi bẹghe ẹre wẹẹ, ovbi ẹre nọdiọn wu vbe asọn nii, ọ keghi tama e Mosis wẹẹ: “Ke uwẹ kevbe emwa ruẹn, wa zẹgiẹ ladian, wa sẹ ẹvbo mwẹ rae, wa ya ga Nọyaẹnmwa zẹ vbene uwa khare.” (Ẹks 12:31) E Jehova keghi gele miẹn emwa rẹn fan.

Emwi nọ he sunu ke ẹghẹ gha dee rhiẹre ma wẹẹ, e Jehova wa ye gbogba ga emwa rẹn vbe ẹdẹnẹrẹ. Emwi ni rre aza ọghomwa na tie ẹre “Emwa Ni Ya Eni E Jehova Waẹngbe,” wa gele rhie ọna ma.

GHEE VIDIO NỌ MWẸ UHUNMWUTA NỌ KHARE WẸẸ OKHIAN NA MU LẸGA AZA ỌGHOMWA NỌ RRE WARWICK: “EMWA NI YA ENI E JEHOVA WAENGBE,” IYEKE ỌNI, A GHI ZẸ EWANNIẸN YE AVBE INỌTA NA:

De emwi ọgbọn ne etẹn ya suẹn gha kporhu vbe ukpo 1914 kevbe wẹẹ, de vbene ọ ya biẹ ọmọ esi hẹ?
De edanmwẹ ne etẹn werriẹ aro daa vbe ukpo 1916 kevbe 1918 kevbe wẹẹ, de osẹe nọ rhiẹre ma wẹẹ e Jehova ghaa rre iran iyeke?
De vbene eguọmwadia e Jehova ya da imudiase ọghe iran yi hẹ uhiẹn vbe emwa zẹ iran kpokpo?
De imamwaemwi ẹmwata ne eguọmwadia e Jehova ghi do rẹn vbe ukpo 1935, kevbe wẹẹ de vbene ọna ya ru iyobọ ne iran hẹ?
Adeghẹ u ka mu okhian yo aza na nẹ ra aza na viọ emwi arre yi nọ rre abotu nọ rre ẹvbo ne u ye, de emwi ne u bẹghe nọ ya ruẹ gha mwẹ ilẹkẹtin ne ẹi beghe wẹẹ, e Jehova gele gbogba ga emwa rẹn?