Ghẹ Gha Na Iyẹn Ohoghe

Vbe ẹdẹnẹrẹ, ẹi zẹdẹ rhie ẹghẹ ayahọmwaehọ ke sẹ emwa nibun obọ. Avbe ayahọmwaehọ na keghi ladian vbe ebe iyẹn, ẹkpẹti ọta, ẹkpẹti ughe, kevbe intanẹt. Emwa ni ga Osa ọghe ẹmwata i ya iyẹn ohoghe wewe. Iran i vbe ya iyẹn ne iran rhirhi họn wewe vbene iran ma na ka mu ukpa mu uwerhẹn ghee ẹre nẹ. (Psm 31:5; Ẹks 23:1) Adeghẹ a na gha na iyẹn ohoghe khian, ọ sẹtin zẹ ẹbe. Nọnaghiyerriọ, ọ khẹke ne ima mu ukpa mu uwerhẹn ghee iyẹn ne ima rhirhi họn. Ma ghi nọ egbe ima wẹẹ:

• ‘Ẹmwẹ ne I họn na mwẹ ẹzi ra?’ A sẹtin miẹn wẹẹ, ọmwa nọ do na iyẹn nii ma ima ma wa rẹn ẹmwata nọ rre nene ẹmwẹ. Ẹmwata nọ rrọọ ọre wẹẹ, ẹmwẹ gha la umọdia nẹ, ọ ghi gọ. Rhunmwuda ọni, deghẹ u ma rẹn ẹmwata nọ rre nene ẹmwẹ, ghẹ yae wewe. Te ọ wa khẹke ne etẹn ni mwẹ ukpamuyọmọ vbuwe iko gha begbe vbekpae ẹmwẹ ne iran ta, rhunmwuda etẹn wa rherhe ya ẹmwẹ ne iran ta yi. Ọ ma zẹdẹ khẹke ne iran gha na iyẹn nẹi mwẹ ẹzi

• ‘Ẹmwẹ na ya mu ọmwa eni rhia nọ ra?’ Adeghẹ ẹmwẹ na ya mu ọmwa eni rhia nọ, ghẹ yae wewe.—Itan 18:8; Fil 4:8

• ‘Te a fian ba ẹmwẹ na ra?’ Gha begbe vbe u gha họn iyẹn nọ wa rhiẹnrhiẹn vbe ehọ

GHEE VIDIO NỌ MWẸ UHUNMWUTA NỌ KHARE WẸẸ VBIA KHIAN YA GBAN EGBE NE ỌTA WẸWẸWẸ HẸ? IYEKE ỌNI, A GHI ZẸ EWANNIẸN YE AVBE INỌTA NA:

• 

  Zẹvbe nọ rre ebe Itan 12:18, de ẹbe ne ẹmwẹ ne ima ta gha sẹtin si?

• 

  De emwi ne ima miẹn ruẹ vbe ebe Filipai 2:4 nọ gha ru iyobọ ne ima ya rẹn ẹmwẹ nọ khẹke ne ima gha ta vbekpae emwa ọvbehe?

• 

  De emwi nọ khẹke ne ima ru deghẹ emwa na suẹn gha ta emwa ọtakhọ?

• 

  Ma ke suẹn gha na iyẹn emwa ọvbehe, de ọta nọ khẹke ne ima nọ egbe ima re?