Vbene A Ya Guẹ Sayọ Vbe Iwinna Ikporhu—Vbene A Ya Ye Camera Kevbe Intercom Kporhu

EVBỌZẸE NỌ NA RU EKPATAKI: Te emadogua ughughan ghi wa ladian kevbe wẹẹ, te uyinmwẹ ikpata kevbe izigan ghi gba ehe hia, rhunmwuda ọni te emwa nibun ghi wa loo e camera kevbe intercom vbe owa iran. Ọ gha de ọghe na do kporhu ma ọmwa nọ bẹghe ima sokpan ne ima i bẹghe, ohan sẹtin gha mu ima. Avbe azẹvbiro na gha ru iyobọ ne ima ya gha mwẹ udinmwẹ, zẹvbe ne ima ya ye camera ra intercom kporhu.

VBENE A YA RU ẸRE HẸ:

• Gha mwẹ ilẹkẹtin rhunmwuda, ọ yan owa nibun ni mwẹ camera ra intercom vbe owa iran wa hoo ne ima gu iran ziro

• Ghẹ mianmian wẹẹ, avbe camera eso sẹtin suẹn gha vidio ruẹ, vbene u te kpee ẹgogo nọ rre ẹkhu ọghe ọ yan owa. Rhunmwuda ọni, ọ yan owa sẹtin gha ghee ruẹ, ọ ghi vbe gha danmwehọ ẹmwẹ ne u ta zẹvbe ne u ya sikẹ ẹkhu ọghẹe

• Ọ yan owa gha ke uwu owa khuẹnniẹn ruẹ, u ghi guan ye nene intercom ra camera vbene a miẹn wẹẹ, ọ yan owa tobọre ẹre u gu guan. Gha muẹnmuẹn ogiẹ. Gi ẹmwẹ ne u gha ta ye nene intercom ra e camera gha re ẹmwẹ ne u gha tama ọ yan owa deghẹ irẹn ẹre ọ tobọre ladian. Deghẹ camera rre evba, ghẹ wa zin aro yọ. Adeghẹ ọ yan owa ma ke uwu owa khuẹnniẹn ruẹ, u ghi fẹko kpa

• Ghẹ mianmian wẹẹ, ọ gha khọnrẹn wẹẹ uwẹ vbe ọ yan owa gba guan fo nẹ, ọ yan owa sẹtin ye gha ye camera ghee ruẹ, ọ sẹtin vbe gha danmwehọ ẹmwẹ ne u ta