EMWI EWE NI RRE UWU ẸMWẸ ỌGHE OSANOBUA | ẸKSODỌS 35-36

E Jehova Keghi Ru Iyobọ Ne Iran Ya Sẹtin Ru Iwinna Ọghẹe

35:25, 26, 30-35; 36:1, 2

Orhiọn nọhuanrẹn ọghe Jehova keghi ru iyobọ ne Bezalẹl kevbe Oholiab ya ru emwi hia ne Jehova tama iran vbe a bọ ibọkpọ ọghe ugamwẹ. Orhiọn nọhuanrẹn ọghe Jehova gha vbe sẹtin ru iyobọ ne eguọmwadia re vbe ẹdẹnẹrẹ. De vbene ima gha ya sẹtin miẹn iyobọ ọghe orhiọn nọhuanrẹn hẹ?

Ọ khẹke ne ima gha na erhunmwu, ne Jehova ya orhiọn nọhuanrẹn ọghẹe ru iyobọ ne ima, ne ima mieke na sẹtin ru iwinna nọ waa ima re vbe ugamwẹ ọghẹe
Ọ khẹke ne ima gha tie Baibol vbe ẹghẹ hia
Ọ khẹke ne ima gha ya ekhọe hia ru iwinna ne Jehova rhirhi waa ima re

Avbe Efoto: Avbe Osẹe ni rhie egbe ye iwinna ugamwẹ ughughan. 1. Etẹn nikhuo na rhiegbe ye iwinna owa ugamwẹ na bọlọ. 2. Ọtẹn nokpia na gha mu egbe yotọ khẹ Iruẹmwi Ebe ‘Owa Ọkhẹ,’ nọ khian siẹnro ẹre. 3. Ọtẹn nokpia ọkpa gha kporhu ma okpia ọkpa nọ khiẹn emwi, vbene ọtẹn nokpia ne iran gba winna na gha bodẹ rhunmwuda avbe eghian ni gbodan. 4. Ọdọ vbe amwẹ na rre Owebe Ọghe Etẹn Ni Kporhu Iyẹn Nọ Maan Ọghe Arriọba.

De iwinna ne Jehova gha sẹtin ru iyobọ nuẹn ya ru?