Osẹe Nọ Rhiẹre Ma Wẹẹ E Jehova Fiangbe Emwa Rẹn

8:6-9, 12; 9:1-5, 23, 24

E Jehova keghi gie erhẹn ke ẹrinmwi rre, nọ giẹn izọese nokaro ne Erọn kevbe ivbi ẹre ru vbe a ma iran ohẹn. Erhẹn nọ ke ẹrinmwi rre nii, so igiẹ yọ wẹẹ, e Jehova kpasẹ yọ ne Erọn kevbe ivbi ẹre gha re ohẹn. E Jehova na ghi tama Ivbi Izrẹl hia ne aro iran sẹ emwi nọ sunu nii, ne iran ya egbe hia ye Erọn kevbe ivbi ẹre ike. Jesu Kristi nọ re Ogie Ohẹn nọ sẹre ẹre Jehova loo vbe ẹdẹnẹrẹ. (Hib 9:11, 12) Vbe ukpo 1919, Jesu keghi zẹ ikpia eso na hannọ zẹ, zẹvbe ọviẹn nọ gia mu ẹtin yan kevbe nọ fuẹro. (Mat 24:45) De osẹe nọ he rhiẹre ma wẹẹ, e Jehova gu ọviẹn na rrọọ, kevbe wẹẹ, ọ mwẹ akueyi ọghẹe?

• Agharhemiẹn wẹẹ ọguọmwadia na werriẹ aro daa ukpokpo nọ wegbe, te ọ ye kpemehe evbare orhiọn ne ima vbe ẹghẹ nọ khẹke

• Zẹvbe ne Baibol tae yotọ, te a wa “kporhu iyẹn nọ maan ọghe Arriọba na la otọ agbọn hia.”—Mat 24:14

Vbe ima khian ya rhiẹre ma wẹẹ ima ya ekhọe hia ye ọviẹn na ike?