UYINMWẸ ỌGHE IMA NE IVBIOTU E KRISTI
“Ghẹ Ghi Si Osi”
E Jehova wa gha ru iyobọ ne ivbiogue ni ghaa rre otọ Izrẹl. De odẹ eso ne Jehova ya ru iyobọ ne eguọmwadia ọghẹe ne obọ ma sẹ ọre vbe ẹdẹnẹrẹ?
Ọ keghi ru iyobọ ne iran ya rẹn wẹẹ, ọ ma khẹke ne iran gha hoẹmwẹ igho.—Luk 12:15; 1 Tim 6:6-8
Ọ keghi ru iyobọ ne iran ya rẹn wẹẹ, ọ ma khẹke ne iran gha ghee egbe iran sila sila.—Job 34:19
Ọ ru iyobọ ne iran ya rẹn wẹẹ, te ọ khẹke ne iran gha re emwa ni wegbe obọ kevbe wẹẹ, ọ khẹke ne iran gha gban egbe ne uyinmwẹ dan.—Itan 14:23; 20:1; 2 Kọr 7:1
Ọ viọ iran la otu ọghẹe ne etẹn na rhie ahoẹmwọmwa ma.—Jọn 13:35; 1 Jọn 3:17, 18
Ọ gi iran rẹn wẹẹ, emwi hia gha dunna vbe odaro.—Psm 9:18; Aiz 65:21-23
Ọ ma khẹke ne ima gha si osi, ọ gha khọnrẹn ne emwi kakabọ wegbe mu ima. (Aiz 30:15) Ma gha mu Arriọba Osanobua ye okaro, e Jehova gha kpemehe emwi ne ima gualọ ne ima vbene ọ khẹke.—Mat 6:31-33.
GHEE VIDIO NỌ MWẸ UHUNMWUTA NỌ KHARE WẸẸ GHẸ GI AHOẸMWỌMWA ỌGHUẸ FAFA AGHARHEMIẸN WẸẸ . . . OVBIOGUE ẸRE U KHIN—CONGO, IYEKE ỌNI, A GHI ZẸ EWANNIẸN YE AVBE INỌTA NA:
De vbene etẹn ni rre ọkpẹn eke ne a na do asikoko nọkhua ya mu ọghọ ye iran egbe hẹ, ighẹ etẹn ni ke ehe nọ rree gha die asikoko nii?
De emwi ne vidio na maa ruẹ re vbekpae odẹ ne Jehova ya rhie ẹre ma wẹẹ irẹn hoẹmwẹ ivbiogue?
De vbene eguọmwadia e Jehova hia, ke nọ fe ke nọ ma fe, khian ya ya egbe tae Jehova hẹ?