UYINMWẸ ỌGHE IMA NE IVBIOTU E KRISTI
Vbene Ọ Te Sẹ Ẹghẹ Ne Emwa Ni Wulo Khian Ya Rhiọ Kpaegbe
Emwi ọkpa nọ fu ima ẹko rre, vbe ọmwa ne ima hoẹmwẹ ọnrẹn gha wu, ọre ne ima na rẹn wẹẹ, emwa ni wulo gha rhiọ kpaegbe. Ọrheyerriọ, te orukhọ kevbe uwu, yevbe ihẹ nọkhua ne ima hia mu, nẹi gi ima zẹ obọ zẹ owẹ. (Aiz 25:7, 8) Ọna keghi re ọkpa vbe usun emwi nọ si ẹre, ne evbayi hia na khiẹ kevbe ne iran na rre uwu obalọ. (Rom 8:22) De emwi nọ khian ru iyobọ ne ima ya zin egbe, vbe emwa ne ima hoẹmwẹ ọnrẹn gha wu, vbene ọ te sẹ ẹghẹ ne iran khian ya rhiọ kpaegbe? E Baibol guan kaẹn emwi eso, nọ gha sẹtin ru iyobọ ne ima.
GHEE VIDIO NỌ MWẸ UHUNMWUTA NỌ KHARE WẸẸ, ỌMWA NA HOẸMWẸ ỌNRẸN GHA WU, IYEKE ỌNI, A GHI ZẸ EWANNIẸN YE AVBE INỌTA NA:
De obalọ ne Danielle, Masahiro kevbe Yoshimi la gberra?
De vbene emwi isẹn na guan kaẹn vbe vidio na, ya ru iyobọ ne iran hẹ?
De Ọmwa nọ gele rhie ifuẹko ne ima hia?—2 Kọr 1:3, 4