MARCH 4-10
PSALM 16-17
Ihuan 111 Kevbe Erhunmwu | Ẹmwẹ Ọghe Omuso (Ifuanro 1)
1. ‘Obọ E Jehova Ẹre Emwi Ni Maan Hia Ne I Mwẹ Ke Rre’
(Ifuanro 10)
Deghẹ ima na gha gu emwa ni ga e Jehova ru ọse, ọ ghi ya ima gha ghọghọ (Psm 16:2, 3; w18.12 26 ¶11)
Ọ keghi ya ima sọyẹnmwẹ ne ima na rẹn wẹẹ, ọsie Jehova ẹre ima khin (Psm 16:5, 6; w14 2/15 29 ¶4)
Ne Jehova na gbogba ga ima vbe odẹ ọghe orhiọn keghi ya orhiọn ima sotọ (Psm 16:8, 9; w08 2/15 3 ¶2-3)
Vbe na ghee Devid, te ima wa sọyẹnmwẹ rhunmwuda, ugamwẹ e Jehova ẹre ima mu ye okaro vbe ẹdagbọn ima, obọ ọre ẹre emwi ni maan hia ne ima mwẹ ke rre.
NỌ EGBUẸ WẸẸ, ‘De odẹ eso ne ẹdagbọn mwẹ ya maan sẹ vbene ọ ka gha ye, vbene I te miẹn odẹ ẹmwata na?’
2. Emwi Ewe Ọghe Orhiọn
(Ifuanro 10)
Psm 17:8—E Baibol gha loo ẹmwẹ na, “ovbi aro ruẹ,” vbe a yae kha? (it-2 714)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 17:1-15 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 1) KE OWA YA SẸ OWA. Rhie ebe itie ọghe Ugie Ayere ne ọmwa. (th iruẹmwi 11)
5. U Gha Khian Suẹn Gha Gu Emwa Guan
(Ifuanro 3) KE OWA YA SẸ OWA. Rhie ebe itie ọghe Ugie Ayere ne ọmwa. Deghẹ ọ na gha hoo nọ rẹn sayọ, u ghi tama rẹn vbekpa e vidio nọ mwẹ uhunmwuta nọ khare wẹẹ, Yee Uwu Ọghe Jesu Rre, uwa ghi vbe zẹ iro yan rẹn. (th iruẹmwi 9)
6. U Gha Khian Suẹn Gha Gu Emwa Guan
(Ifuanro 2) IKPORHU ỌGHE ẸGHẸ KE ẸGHẸ. Rhie ebe itie ọghe Ugie Ayere ne ọmwa. (th iruẹmwi 2)
7. Ya Emwa Khian Erhuanegbe
(Ifuanro 5) lff omuso ọghe iruẹmwi 14 kevbe uhunmwu ẹmwẹ 1-3 (th iruẹmwi 6)
Ihuan 20
8. Vbe Ima Khian Ya Mu Egbe Yotọ Khẹ Ugie Ayere Hẹ?
(Ifuanro 15) Ọta na koko zẹ iro yan.
Zẹvbe ne Jesu we ne ima gha ru ẹre, vbe ẹdẹ Sunday, March 24, ma gha si egbe koko do Ugie Ayere ọghe uwu e Jesu, nọ re odẹ nọ ghi ru ekpataki sẹ ne Jehova kevbe Jesu ya rhie ẹre ma wẹẹ iran kakabọ hoẹmwẹ ima. (Luk 22:19; Jọn 3:16; 15:13) Vbe ima khian ya mu egbe yotọ khẹ ugie ne kpataki na hẹ?
Hia ne u rhiegbe ye emwamwa ikporhu ne kpataki na, na khian ya tie emwa ne iran do danmwehọ ọta ne kpataki kevbe ne iran gha die Ugie Ayere. Gbẹnnẹ eni emwa ne u gha hoo ne u tie, u ghi vbe hia ne u tie iran. Deghẹ iran eso i rre ẹdogbo ne u ye, u ghi gha rrie jw.org, ne u gualọ ehe kevbe ẹghẹ na khian ya do Ugie Ayere kevbe na khian ya ya ọta ne kpataki guan, vbe ẹdogbo ọghe iran
Hia ne u kakabọ rhiegbe ye iwinna ikporhu vbe uki e March kevbe April. U gha sẹtin ru iwinna arọndẹ ọghe ọyọmwabọ, ne u mieke na rhie ughaẹdẹ 15 ra 30 ladian ra?
Ọ ghaa rre March 18, u ghi suẹn gha tie avbe okha ni guan kaẹn emwi ne kpataki ni sunu, vbe uzọla nokiekie ne Jesu gbe vbe agbọn. U sẹtin zẹ ọre vbe iro, ako ọghe Baibol ne u khian gha tie vbe dọmwadẹ ẹdẹ vbe “Emwamwa Ọghe Baibol Na Tie Vbe Ẹghẹ Ugie Ayere Ọghe 2024” nọ rre ipapa 6-7
Vbe ẹdẹ Ugie Ayere, u ghi ghee vidio ne kpataki ọghe ebe ẹdẹ na khian zẹ iro yan vbe ẹdẹrriọ vbe jw.org
U gha sẹ eke ne uwa khian na do Ugie Ayere, u ghi gbe ọbokhian ne emwa ọgbọn ni rre, kevbe etẹn nẹi ghi yo iko kevbe ikporhu. Deghẹ emwa ni rre na gha mwẹ inọta eso, u ghi mu egbe ne u ya rhie ewanniẹn ne iran. Ru emwamwa ne u ya mu otuẹ gie emwa ọgbọn ni rre, ne u mieke na ru iyobọ ne iran ya rẹn ẹmwẹ nọ rre Baibol sayọ
Vbene a te do Ugie Ayere, u ghi gha muẹn roro, izọese adẹwerriegbe ọghe Jesu, u vbe gha ru vberriọ vbe a gha do Ugie Ayere fo nẹ
Kpee VIDIO na Yee Uwu Ọghe Jesu Rre. Iyeke ọni, u ghi we ne etẹn zẹ ewanniẹn ye inọta na:
Vbe ima khian ya loo e vidio na hẹ, vbe uwu ẹghẹ na ya ghae ebe itie ọghe Ugie Ayere ne emwa?
9. Iruẹmwi E Baibol Ọghe Iko
(Ifuanro 30) bt uhunmwuta 6 ¶18-24, ẹkpẹti nọ rre ipapa 48