MAY 6-12
PSALM 36-37
Ihuan 87 Kevbe Erhunmwu | Ẹmwẹ Ọghe Omuso (Ifuanro 1)
1. ‘Ghẹ Gi Emwa Dan Ya Ruẹ Gha Si Osi’
(Ifuanro 10)
Emwa dan keghi si obalọ ye ima egbe (Psm 36:1-4; w17.04 10 ¶4)
Te ima rhie ikuanegbe ne egbe ima vbe ima ghaa mu ohu emwa dan (Psm 37:1, 7, 8; w22.06 10 ¶10)
Ma gha gele yayi wẹẹ e Jehova gha ru emwi hia nọ yan rẹn, ọ ghi ya ima gha mwẹ ọfunmwegbe (Psm 37:10, 11; w03 12/1 13 ¶20)
NỌ EGBUẸ WẸẸ, ‘Avbe emwi dan ne emwa dan ru, na mu ladian vbe ugha iyẹn ẹre imẹ wa ghee vbe ẹghẹ hia ra?’
2. Emwi Ewe Ọghe Orhiọn
(Ifuanro 10)
Psm 36:6—De emwi ne ima roro wẹẹ ọsian yae kha vbe ọ khare wẹẹ, te iruemwiẹse ọghe Jehova yevbe na ghee “oke ni yo”? (it-2 445)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 37:1-26 (th iruẹmwi 10)
4. U Gha Khian Suẹn Gha Gu Emwa Guan
(Ifuanro 3) KE OWA YA SẸ OWA. (lmd iruẹmwi 1 uhunmwu ẹmwẹ 5)
5. Rhie Obọ Lelẹe
(Ifuanro 4) IKPORHU ỌGHE ẸGHẸ KE ẸGHẸ. Tama ọmwa nọ ma ka kue yọ na gha gu irẹn ruẹ e Baibol vbe ẹghẹ nọ gberra wẹẹ, u gha hoo ne u do gha gu ẹre ruẹ e Baibol. (lmd iruẹmwi 9 uhunmwu ẹmwẹ 4)
6. Ọta Ọghe Ọwara
(Ifuanro 5) ijwbv 45—Uhunmwuta: De Emwi Na Ya Ẹmwẹ Nọ Rre Ebe Psalm 37:4 Kha? (th iruẹmwi 13)
Ihuan 33
7. Wẹ Mu Egbe Yotọ Khẹ “Ẹghẹ Ọlọghọmwa” Ra?
(Ifuanro 15) Ọta na koko zẹ iro yan.
Emwi nọ wegbe wa sunu daa etẹn ima nikpia kevbe etẹn ima nikhuo ni rre ehe ughughan vbe otagbọn na, emwi ne iran nibun mwẹ vbe wii iran rhunmwuda odekun ẹrhia ni sunu kevbe rhunmwuda ọlọghọmwa nibun ne emwa nagbọn ya obọ iran si. (Psm 9:9, 10) Nọ ya lọghọ ọre wẹẹ, ọlọghọmwa sẹtin wa de rre vbe udomwurri, rhunmwuda ọni, te ọ khẹke ne ima mu egbe khẹ ẹghẹ ọlọghọmwa.
Vbọ gberra na wa mwamwa emwi eso yotọ,a nọ gha ru iyobọ ne ima a i rẹn deghẹ ọlọghọmwa na de rre, de emwi eso nọ gha ru iyobọ ne ima vbe ọlọghọmwa gha ghi rre?
Ya ekhọe mwamwa emwi ne u khian ru yotọ: Gha mwẹ ọnrẹn vbe ekhọe wẹẹ, ẹ i mwẹ emwi nọ wegbe ma sunu, rhunmwuda ọni, ọ khẹke ne u mwamwa emwi ne u gha ru vbe ọ gha sunu. Ghẹ gi emwi ewe ne u mwẹ gha re emwi nọ ghi ru ekpataki sẹ vbe ẹdagbọn ruẹ. Ọna gha ru iyobọ nuẹn ya gha ya ẹwaẹn ru emwi, ẹghẹ nii, ne u gha te ya gha hia ne u gbogba ga emwi ewe ne u mwẹ, u ghi gha hia ne u gbogba ga arrọọ ruẹ kevbe ọghe emwa ọvbehe. (Gẹn 19:16; Psm 36:9) Deghẹ u ma na mu emwi ewe ye okaro, ọ gha ru iyobọ nuẹn ya zin egbe vbe emwi ewe ne u mwẹ gha wii ruẹ, rhunmwuda emwi nọ wegbe nọ sunu.—Psm 37:19
Gha ru emwi nọ gha ya ruẹ gha mwẹ amuẹtinyan nọ wegbe: Gha ru emwi nọ gha ya ruẹ yayi wẹẹ, e Jehova gele mwẹ ẹtin nọ khian ya gbaroghe ruẹ, kevbe wẹẹ, ọ hoo nọ ru vberriọ. (Psm 37:18) Vbene emwi nọ wegbe te sunu, u ghi gha ye egbuẹ re rre vbe ẹghẹ hia wẹẹ, e Jehova gha gbaroghe ima ne eguọmwadia re, ọ gha khọnrẹn wẹẹ, ‘uhunmwu ima ọkpa ẹre ima miẹn rhie ladian.’—Jer 45:5; Psm 37:23, 24
Ma gha gele yayi wẹẹ, e Jehova gha mu eyan rẹn hia sẹ, te ima rhie ẹre ma wẹẹ irẹn ọre ehe ilẹre ọghe ima vbe “ẹghẹ orueghe.”—Psm 37:39.
Kpee VIDIO na Uwẹ Mu Egbe Yotọ Khẹ Emwi Nọ Wegbe Nọ Gha Sẹtin Sunu Ra? Iyeke ọni, u ghi we ne etẹn zẹ ewanniẹn ye avbe inọta na:
De vbene Jehova khian ya ru iyobọ ne ima hẹ, vbe emwi nọ wegbe gha sunu?
De emwi eso ne ima gha ru, ne ima ya mu egbe yotọ?
De vbene ima khian ya ru iyobọ ne emwa ne emwi nọ wegbe sunu daa?
8. Iruẹmwi E Baibol Ọghe Iko
(Ifuanro 30) bt uhunmwuta 9 ¶8-16
Ẹmwẹ Na Khian Ya Mu Iko Sẹ Ufomwẹ (Ifuanro 3) |
a Ya ghee Awake! No. 5 2017, ipapa 4-6.