SEPTEMBER 16-22
PSALM 85-87
Ihuan 41 Kevbe Erhunmwu | Ẹmwẹ Ọghe Omuso (Ifuanro 1)
1. Erhunmwu Ru Iyobọ Ne Ima Ya Zin Egbe
(Ifuanro 10)
Rinmwian e Jehova nọ ru iyobọ nuẹn ya gha sọyẹnmwẹ (Psm 86:4)
Rinmwian e Jehova nọ ru iyobọ nuẹn, ne u sẹtin gha ya ekhọe hia gae (Psm 86:11, 12; w12 5/15 25 ¶10)
Gha mwẹ ilẹkẹtin wẹẹ, e Jehova gha họn erhunmwu ruẹ (Psm 86:6, 7; w23.05 13 ¶17-18)
NỌ EGBUẸ WẸẸ, ‘I ghaa rre uwu ọlọghọmwa, erhunmwu ne I na tan sẹ vbene ọ ka ye ra, inugba ne I na erhunmwu vbe bun sẹ vbene ọ ka ye ra?’—Psm 86:3.
2. Emwi Ewe Ọghe Orhiọn
(Ifuanro 10)
Psm 86:11—De emwi ne erhunmwu ne Devid naẹn, ya ima rẹn vbekpa ekhọe emwa nagbọn? (it-1 1058 ¶5)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 86:1–87:7 (th iruẹmwi 12)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ẸGHẸ KE ẸGHẸ. Tama ọmwa ne u kporhu ma wẹẹ, u gha hoo ne u gha gu ẹre ruẹ e Baibol. (lmd iruẹmwi 3 uhunmwu ẹmwẹ 5)
5. Rhie Obọ Lelẹe
(Ifuanro 4) IKPORHU ỌGHE ẸGHẸ KE ẸGHẸ. Tama ọmwa ne u kporhu ma wẹẹ, u gha hoo ne u gha gu ẹre ruẹ e Baibol; ọmwa na ka tama ruẹ wẹẹ emwi eso nọ sunu wa kpokpo irẹn vbe orhiọn. (lmd iruẹmwi 7 uhunmwu ẹmwẹ 4)
6. Ya Emwa Khian Erhuanegbe
(Ifuanro 5) lff iruẹmwi 15 uhunmwu ẹmwẹ 5. Gu ọmwa ne u gu ruẹ e Baibol zẹ iro vbekpae vbene ọ khian ya ruẹ emwi hẹ vbe uzọla nọ dee, rhunmwuda, u i khian gha rre owa. (lmd iruẹmwi 10 uhunmwu ẹmwẹ 4)
Ihuan 83
7. Ghẹ Gi Egbe Wọọ Ruẹ
(Ifuanro 5) Ọta na koko zẹ iro yan.
Kpee nene VIDIO. Iyeke ọni, u ghi we ne etẹn zẹ ewanniẹn ye avbe inọta na:
Ugbẹnso, de emwi eso nọ gha sẹtin ya ima gha hoo ne ima dobọ iwinna ikporhu yi?
Vbọzẹ nọ ma na khẹke ne ima gi egbe wọọ ima?
8. Ye Gha Gi Emwa Rẹn Wẹẹ U Gha Hoo Ne U Gha Gu Iran Ruẹ E Baibol!
(Ifuanro 10) Ọta na koko zẹ iro yan.
Wẹ suẹn gha loo ebe ẹmu na tie ẹre, Sọyẹnmwẹ Arrọọ Vbe Etẹbitẹ! ya gu emwa ruẹ e Baibol nẹ, vbe uki na ne ima na mwẹ emwamwa ikporhu ne kpataki ra? Deghẹ u suẹn nẹ, ẹ i mwẹ ọ ma gha gbe ruẹ otiti! Ọna sẹtin vbe rhie igiọdu ne emwa ọvbehe. Sokpan deghẹ u ma he suẹn gha gu ọmwa ruẹ e Baibol, u sẹtin gha roro ẹre, deghẹ ẹrhiọn ne u loo zẹdẹ mwẹ esa nọ ye. Vbua khian ru deghẹ te egbe ghi wọọ ruẹ, rhunmwuda wẹẹ, u ma miẹn ọmwa ne u khian gu gha ruẹ e Baibol?
Kpee VIDIO na “Ma Keghi Rhie Ẹre Ma Wẹẹ, Eguọmwadia Osanobua Ma Khin . . . Lekpa Izinegbe Ne Ima Mwẹ”—Vbe Ima Ghaa Kporhu. Iyeke ọni, u ghi we ne etẹn zẹ ewanniẹn ye avbe inọta na:
De vbene ebe 2 Kọrint 6:4, 6 khian ya ru iyobọ ne ima hẹ, deghẹ ọ na yevbe na miẹn wẹẹ iwinna ikporhu ọghe ima i biẹ ọmọ esi?
De afiwerriẹ eso ne u gha sẹtin ru, deghẹ u na gha roro ẹre wẹẹ, te u wa kporhu kua kẹkan, rhunmwuda wẹẹ, u ma he sẹtin suẹn gha gu ọmwa ruẹ e Baibol?
Yerre wẹẹ, ẹ i re inu emwa ne ima gu ruẹ e Baibol ẹre ọ khian ya ima gha sọyẹnmwẹ. Sokpan, emwi nọ ya ima sọyẹnmwẹ, ọre ne ima na rẹn wẹẹ emwi ne ima ru ya ẹko rhiẹnrhiẹn e Jehova. (Luk 10:17-20) Rhunmwuda ọni, ya ekhọe hia rhiegba ye emwamwa ikporhu ne kpataki na, u ghi yerre wẹẹ, ‘ẹsọn ne u miẹn ne Enọyaẹnmwa, ẹ i re te u miẹn ọnrẹn kua kẹkan’!—1 Kọr 15:58.
9. Iruẹmwi E Baibol Ọghe Iko
(Ifuanro 30) bt uhunmwuta 15 ¶13-14, ẹkpẹti nọ rre ipapa 137