MARCH 17-23
ITAN 5
Ihuan 122 Kevbe Erhunmwu | Ẹmwẹ Ọghe Omuso (Ifuanro 1)
1. Lẹẹ Ne Uyinmwẹ Alama Oghẹ
(Ifuanro 10)
Deghẹ ọmwa ma begbe, ọ sẹtin de ye edanmwẹ nọ gha yae yin uyinmwẹ alama oghẹ (Itan 5:3; w00 7/15 29 ¶1)
Te uyinmwẹ alama oghẹ si obalọ ye ọmwa egbe (Itan 5:4, 5; w00 7/15 29 ¶2)
Lẹẹ ne uyinmwẹ alama oghẹ (Itan 5:8; w00 7/15 29 ¶5)
Ọtẹn nokhuo ọkpa gha tama ọmokpia ọkpa wẹẹ, irẹn i khian rhie enọmba ọghe irẹn nẹẹn
2. Emwi Ewe Ọghe Orhiọn
(Ifuanro 10)
Itan 5:9—Ọmwa gha yin uyinmwẹ alama oghẹ, de vbene ‘ọghọ nọ te ka rre ọre egbe ya gberra la obọ emwa ọvbehe’ hẹ? (w00 7/15 29 ¶7)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Itan 5:1-23 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ADESẸ ORERE. Tie ọmwa nẹi re Ovbi Otu e Kristi gha die Ugie Ayere, u ghi loo jw.org ya ru iyobọ nẹẹn ya miẹn ako nọ ghi sikẹ ọre sẹ na khian na do Ugie Ayere. (lmd iruẹmwi 6 uhunmwu ẹmwẹ 4)
5. Rhie Obọ Lelẹe
(Ifuanro 4) KE OWA YA SẸ OWA. Vbe u ka kporhu ma ọmwa na, ọ na miẹn ruẹ ebe itie ọghe Ugie Ayere, ọ na vbe gha hoo nọ rẹn sayọ. (lmd iruẹmwi 9 uhunmwu ẹmwẹ 5)
6. Ya Emwa Khian Erhuanegbe
(Ifuanro 5) lff olika ẹmwẹ ọghe iruẹmwi 16, ogbewerriẹ, kevbe emwi ne u gha ru. Ọmwa ne u gu ruẹ Baibol nọ ruẹ deghẹ Jesu rhie okhuo. Ma re vbene ọ khian ya sẹtin miẹn ewanniẹn ọghe inọta na hẹ. (lmd iruẹmwi 11 uhunmwu ẹmwẹ 4)
Ihuan 121
7. Hia Ne U Ghẹ Ru Emwi Nọ Gha Sọnnọ E Jehova Vbe Uwẹ Vbe Ọmwa Ghaa Si Egbe Obọ
(Ifuanro 15) Ọta na koko zẹ iro yan.
Ẹghẹ na ya si egbe obọ ọre ẹghẹ ne okpia vbe okhuo ya rẹn egbe sayọ, iran ghi vbe gha gi egbe rẹn wẹẹ iran hoẹmwẹ egbe. Iran sẹtin gha ru ọna vbe eke ne emwa ọvbehe ye, ra vbe eke ne iran eva ọkpa ye. Iran sẹtin tama emwa ọvbehe wẹẹ iran si egbe obọ, iran sẹtin vbe wẹẹ iran i khian tama ọmwa rhọkpa. Iran sẹtin gha kọl egbe, iran sẹtin vbe gha ya efoni gie uhunmwu gie egbe. Ma wa rẹnrẹn wẹẹ, ẹghẹ na ya si egbe obọ i re ẹghẹ na ya rhẹghẹrẹ, sokpan, emwi ne ọmwa ru vbene ọ te ru orọnmwẹ nọ. Deghẹ igbama ẹre ima khin ra eniwanrẹn, de emwi eso ni gha ru iyobọ ne ima, ne ima ghẹ ya yin uyinmwẹ alama oghẹ vbe ima vbe ọmwa ghaa si egbe obọ?—Itan 22:3.
Kpee VIDIO na U Ghaa Mu Egbe Orọnmwẹ—Abọ 1: I Mu Egbe Nẹ, Ne Imẹ Vbe Ọmwa Khian Ya Suẹn Gha Si Egbe Obọ Ra?—Abọ Ne Kuẹi Vbọ. Iyeke ọni, u ghi we ne etẹn zẹ ewanniẹn ye avbe inọta na:
Vbọzẹ nọ ma na khẹke ne ọmwa suẹn gha gu ọmwa ọvbehe si egbe obọ, vbene ọ na rẹn wẹẹ, irẹn ma he mu egbe orọnmwẹ? (Itan 13:12; Luk 14:28-30)
Vbọ yẹẹ ruẹ vbe odẹ ne evbibiẹ ọmokhuo na ya ru iyobọ nẹẹn?
Tie Itan 28:26. Iyeke ọni, u ghi we ne etẹn zẹ ewanniẹn ye avbe inọta na:
Vbọ khẹke ne orhunmwu eva ni si egbe obọ ru, ne iran ghẹ mieke na ya de ye edanmwẹ nọ gha ya iran yin uyinmwẹ alama oghẹ?
Vbọzẹ nọ na khẹke ne orhunmwu eva ni si egbe obọ ka guan kaẹn emwi eso ne iran gha ru kevbe ne iran i khian ru, vbe iran ghaa rhie ẹre ma wẹẹ iran hoẹmwẹ egbe, vbe na ghee na gha da egbe obọ yi, kevbe na gha mu unu soso unu?
Tie Ẹfisọs 5:3, 4. Iyeke ọni, u ghi we ne etẹn zẹ ewanniẹn ye inọta na:
Vbọ khẹke ne orhunmwu eva ni si egbe obọ kọ ye orhiọn vbe iran ghaa guan vbe efoni ra vbe intanẹt?
8. Iruẹmwi E Baibol Ọghe Iko
(Ifuanro 30) bt uhunmwuta 24 ¶1-6