APRIL 28–MAY 4

ITAN 11

Ihuan 90 Kevbe Erhunmwu | Ẹmwẹ Ọghe Omuso (Ifuanro 1)

EMWI EWE NI RRE UWU ẸMWẸ ỌGHE OSANOBUA

1. Ghẹ Tae!

(Ifuanro 10)

Ghẹ ta ẹmwẹ nọ gha si obalọ ye ogieva ruẹ egbe (Itan 11:9; w02 5/15 26 ¶4)

Ghẹ ta ẹmwẹ nọ gha si iwannegbe (Itan 11:11; w02 5/15 27 ¶2-3)

Ghẹ ta ẹmwẹ oro (Itan 11:12, 13; w02 5/15 27 ¶5)

Etẹn nikpia eva gha gu egbe zẹ iro vbe Ọgua Arriọba. Ọkpa vbe uwu iran gha ta ẹmwẹ dan vbekpa ọtẹn ọvbehe nọ khian bu iran dee.

EMWI NỌ KHẸKE NE U MU RORO: De vbene ẹmwẹ ne Jesu tae vbe ebe Luk 6:45 khian ya ru iyobọ ne ima, ne ima ghẹ gha ta ẹmwẹ nọ gha sẹtin si obalọ ye ọmwa ọvbehe egbe?

2. Emwi Ewe Ọghe Orhiọn

(Ifuanro 10)

Itan 11:17—De vbene ima tobọ ima ya miẹn ere vbọ hẹ, vbe ima ghaa mwẹ ekhọe esi? (g20.1 11, ẹkpẹti)

Ewanniẹn ruẹ
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?

Ewanniẹn ruẹ

3. E Baibol Na Tie

(Ifuanro 4) Itan 11:1-20 (th iruẹmwi 5)

RHIEGBE YE IWINNA IKPORHU IYẸN NỌ MAAN

4. U Gha Khian Suẹn Gha Gu Emwa Guan

(Ifuanro 4) IKPORHU ỌGHE ẸGHẸ KE ẸGHẸ. Gualọ ẹkpotọ ne u khian ya tama ọmwa nii, emwi ne u ruẹ re vbe iko, vbọ ma he kpẹẹ gbe. (lmd iruẹmwi 2 uhunmwu ẹmwẹ 4)

5. Rhie Obọ Lelẹe

(Ifuanro 4) IKPORHU ỌGHE ẸGHẸ KE ẸGHẸ. Guan kaẹn vidio ọkpa nọ rre Emadogua Na Ya Ma Emwa Emwi. (lmd iruẹmwi 8 uhunmwu ẹmwẹ 3)

6. Ya Emwa Khian Erhuanegbe

(Ifuanro 4) IKPORHU ỌGHE ADESẸ ORERE. Tama ọmwa ne u kporhu ma wẹẹ, u gha hoo ne u gha gu ẹre ruẹ Baibol, u ghi vbe ma ẹre vbene ima ya gu emwa ruẹ Baibol hẹ. (lmd iruẹmwi 10 uhunmwu ẹmwẹ 3)

UYINMWẸ ỌGHE IMA NE IVBI OTU E KRISTI

Ihuan 157

7. Ghẹ Gha Ta Ẹmwẹ Nọ Gha Si Ẹzọ

(Ifuanro 15) Ọta na koko zẹ iro yan.

Rhunmwuda ne ima na re emwa orukhọ, ma keghi ta ẹmwẹ eso nọ ma khẹke. (Jems 3:8) Sokpan, deghẹ ima na gha muẹn roro ọlọghọmwa ne ẹmwẹ ne ima ta gha sẹtin si, ọ gha ru iyobọ ne ima, ne ima ghẹ ya ta ẹmwẹ ne ima khian gha gbe I ma rẹn yi vbe okiekie. Gi ima guan kaẹn ẹmwẹ eso ne ọmwa gha ta, nọ gha sẹtin si ighaegbe ye uwu iko:

Ifianyangbe. Deghẹ ọmwa na gha tian egbe ẹre, ọ sẹtin si osuan ra igbọvo.—Itan 27:2
Ohoghe na ta. Ohoghe na ta vbe dekaẹn ne ọmwa wa mema mu iyeke ẹmwẹ ma ọmwa rhunmwuda wẹẹ, ọ hoo nọ mu ọmwa nii rẹrẹ. Ọ gha khọnrẹn ne ima gha roro ẹre wẹẹ, ohoghe kherhe ẹre ima ta, ọ sẹtin ya ima khian ọmwa na ma ghi gba ẹko ẹre, ọ ghi vbe mu ima eni rhia.—Asan 10:1
Ọtakhọ. Ọtakhọ ọre na gha ta ẹmwẹ nọ ma khianrẹn kevbe ẹmwẹ nọ ma gba vbekpa emwa. (1 Tim 5:13) Ọna sẹtin si ẹzọ kevbe ighaegbe
Ẹmwẹ na ya ohu ta. Ọna dekaẹn na gha ya ohu gu ọmwa guan rhunmwuda nọ na ru emwi nọ sọnnọ ima. (Ẹfis 4:26) Ọna gha sẹtin si obalọ ye ọmwa egbe.—Itan 29:22

Avbe efoto ni ladian vbe vidio nọ mwẹ uhunmwuta nọ khare wẹẹ, “Gban Egbe Ne Emwi Ni Mu Idobo Ye Ọfunmwegbe—Abọ Ne Kuẹi Vbọ.” 1. Emily vbe Celia tota mu aro daa egbe vbe eke na na khiẹn evbare. E Celia gha ghee emwi ne Haley mu ye eke ne emwa na gu egbe guan vbe intanẹt. 2. E Haley gha ya ohu gu e Celia guan vbe eke ne etẹn mu imọto iran yi vbe iran gha rrie Ọgua Arriọba.

Kpee VIDIO na Gban Egbe Ne Emwi Ni Mu Idobo Ye Ọfunmwegbe—Abọ Ne Kuẹi Vbọ. Iyeke ọni, u ghi we ne etẹn zẹ ewanniẹn ye inọta na:

Vbua miẹn vbe vidio na nọ ya ruẹ rẹn wẹẹ, ẹmwẹ ne ima ta gha rherhe sẹtin si ẹzọ ye uwu iko?

Ewanniẹn ruẹ

Ya ghee vidio na “Gha Gualọ Ọfunmwegbe” ne u mieke na miẹn vbene etẹn ghi ya ru adọlọ hẹ.

8. Iruẹmwi E Baibol Ọghe Iko

(Ifuanro 30) bt uhunmwuta 25 ¶14-21