MAY 12-18

ITAN 13

Ihuan 34 Kevbe Erhunmwu | Ẹmwẹ Ọghe Omuso (Ifuanro 1)

EMWI EWE NI RRE UWU ẸMWẸ ỌGHE OSANOBUA

1. Ghẹ Gi “Ukpa Ọghe Emwa Dan” Mu Ruẹ Rẹrẹ

(Ifuanro 10)

Okiekie ọghe emwa dan i khian gha maan (Itan 13:9; it-2 196 ¶2-3)

Ghẹ gha gu emwa ni ya emwi dan khian emwi esi mu obọ (Itan 13:20; w12 7/15 12 ¶3)

E Jehova keghi fiangbe emwa esi (Itan 13:25; w04 7/15 31 ¶6)

Avbe Efoto: A ya emwi ne okpia ọkpa nẹi re Osẹe Jehova ru, ya tae ọghe etẹn nikpia eva ni re Osẹe Jehova. 1. Okpia ọkpa gha gbe vbe iku nọ ma khianrẹn ne iran ku vbe asọn, ọ da ayọn yi mwẹ obọ. 2. Vbe iyeke ọni, ọ na suẹn gha khuọnmwi, ọ gha minnọ ukhunmwu re. 3. Etẹn nikpia kevbe etẹn nikhuo si egbe koko vbe orere vbe ẹdogbo ọta, iran gha sọyẹnmwẹ egbe. Nene etẹn nikpia eva gha so ihuan, iran gha gbe, iran vbe rhie evbare kugbe. 4. Vbe ẹdẹ nọ lelẹe, iran gha gba winna vbe ikporhu. — Emwa ni ya ẹdagbọn iran khu emwi agbọn na i gele sọyẹnmwẹ. Sokpan, emwa ni mu ọghe Jehova karo, ẹre ọ gele sọyẹnmwẹ, erriọ ẹkun vbe ya sẹ iran otọ

2. Emwi Ewe Ọghe Orhiọn

(Ifuanro 10)

Itan 13:24—De emwi ne ako na ma ima re vbekpa ahoẹmwọmwa na rhie ma vbe odẹ nọ ma khẹke? (it-2 276 ¶2)

Ewanniẹn ruẹ
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?

Ewanniẹn ruẹ

3. E Baibol Na Tie

(Ifuanro 4) Itan 13:1-17 (th iruẹmwi 10)

RHIEGBE YE IWINNA IKPORHU IYẸN NỌ MAAN

4. U Gha Khian Suẹn Gha Gu Emwa Guan

(Ifuanro 3) KE OWA YA SẸ OWA. Guan kaẹn iyẹn nọ khian vbe obọ. Iyeke ọni, u ghi gi ọmwa nii rẹn emwi ne Baibol tae ne u rẹnrẹn wẹẹ, ọ gha yẹẹ ọre. (lmd iruẹmwi 2 uhunmwu ẹmwẹ 5)

5. U Gha Khian Suẹn Gha Gu Emwa Guan

(Ifuanro 4) IKPORHU ỌGHE ẸGHẸ KE ẸGHẸ. U ghi tama rẹn nọ gha die iko ọghomwa. (lmd iruẹmwi 2 uhunmwu ẹmwẹ 3)

6. Ọta Ọghe Ọwara

(Ifuanro 5) lmd apẹndis A uhunmwu ẹmwẹ 9—Uhunmwuta: Te Agbọn Maan Emọ Ni Rhie Ọghọ Ne Evbibiẹ Iran, Ni Vbe Họn Ẹmwẹ Ne Iran. (th iruẹmwi 16)

UYINMWẸ ỌGHE IMA NE IVBI OTU E KRISTI

Ihuan 77

7. “Ukpa Ọghe Emwa Esi Keghi Baa Ẹsẹse”

(Ifuanro 8) Ọta na koko zẹ iro yan.

A i miẹn emwi na ya gie irẹnmwi kevbe ẹwaẹn ni rre uwu Ẹmwẹ Osanobua. Ma gha kie ẹkpotọ yọ, ne emwi ne ima ruẹ vbe Baibol gha dia ima ye odẹ, agbọn gha maan ima, ma ghi vbe gha sọyẹnmwẹ. Agbọn Esu na, i khian sẹtin ru ọna ne ima.

Efoto nọ ladian vbe vidio nọ mwẹ uhunmwuta nọ khare wẹẹ, “Agbọn Na I Khian Sẹtin Rhie Emwi Nẹi Mwẹ Nuẹn.” Ọtẹn nokhuo Gainanshina tota ye otọ, ọ gha ghee orere iso.

Kpee VIDIO na Agbọn Na I Khian Sẹtin Rhie Emwi Nẹi Mwẹ Nuẹn. Iyeke ọni, u ghi we ne etẹn zẹ ewanniẹn ye inọta na:

De vbene okha ọghe Ọtẹn Nokhuo Gainanshina ya rhie ẹre ma wẹẹ, “ukpa ọghe emwa esi” ẹre ọ maan sẹ “ukpa ọghe emwa dan”?—Itan 13:9

Ewanniẹn ruẹ

Ghẹ gha mu ẹghẹ rhia ya mu avbe emwi ọghe agbọn na roro, ra ne u gha gbe I ma rẹn, rhunmwuda emwi ne u sẹrae ne u mieke na ga e Jehova. (1 Jọn 2:15-17) Nọghayayerriọ, rhie aro tua “irẹnmwi nai sẹtin fian ive yi” ne u mwẹ.—Fil 3:8.