AUGUST 18-24
ITAN 27
Ihuan 102 Kevbe Erhunmwu | Ẹmwẹ Ọghe Omuso (Ifuanro 1)
1. Iyobọ Ne Avbe Ọse Ọghe Ẹmwata Ye Ne Ima
(Ifuanro 10)
Avbe ọse ọghe ẹmwata keghi rhie udinmwẹ ma, iran ghi rhie adia nọ khẹke ne ima (Itan 27:5, 6; w19.09 5 ¶12)
Iyobọ ne avbe ọse ọghe ẹmwata ru ne ima vbe ugbẹnso, ẹgbẹe ima i ru egbọre (Itan 27:10; it-2 491 ¶3)
Avbe ọse ọghe ẹmwata gha sẹtin ru iyobọ ne ima ya gha re ọmwa esi (Itan 27:17; w23.09 10 ¶7)
2. Emwi Ewe Ọghe Orhiọn
(Ifuanro 10)
Itan 27:21—Deghẹ emwa na gha tian ima, vbọ khian ya sẹtin danmwẹ ima ghee hẹ? (w06 9/15 19 ¶12)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Itan 27:1-17 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 3) KE OWA YA SẸ OWA. Ọmwa na i re Ovbi Otu e Kristi. (lmd iruẹmwi 6 uhunmwu ẹmwẹ 5)
5. Rhie Obọ Lelẹe
(Ifuanro 4) IKPORHU ỌGHE ẸGHẸ KE ẸGHẸ. Guan kaẹn vidio ọkpa nọ rre Emadogua Na Ya Ma Emwa Emwi. (lmd iruẹmwi 8 uhunmwu ẹmwẹ 3)
6. Ọta Ọghe Ọwara
(Ifuanro 5) ijwyp uhunmwuta 75—Uhunmwuta: Vbia Khian Ru Vbe Ọse Mwẹ Gha Ru Emwi Nọ Da Mwẹ? (th iruẹmwi 14)
Ihuan 109
7. “Ẹdẹ Oseghe Ẹre A Ye Etẹn Khẹ”
(Ifuanro 15) Ọta na koko zẹ iro yan.
Te Jehova ya etẹn ima ni rre uhunmwu otagbọn hia ru ima ẹse, vbe uwu ẹbu iran, ẹre ima khian na miẹn avbe ọse ni gele hoẹmwẹ ima. Agharhemiẹn wẹẹ, ma ya egbe rhorho etẹn ni bun vbe uwu iko, inu iran ẹre ọ gele re ọse ne ima kakabọ gu obọ ẹre? Ma ghaa hoo ne ima gu obọ ọse ima, te ọ khẹke ne ima rẹn egbe ẹse, ma ghi gba ẹko egbe, ma ghi gha mu iro ma egbe, ma ghi gha ru emwi kugbe, ma ghi vbe gha ru iyobọ ne egbe. Nọnaghiyerriọ, na do sẹtin gu obọ egbe wa rhie ẹghẹ, ẹrhiọn ẹre a gha vbe loo.
Tie Itan 17:17. Iyeke ọni, u ghi we ne etẹn zẹ ewanniẹn ye inọta na:
Vbọzẹ nọ na khẹke ne ima gu obọ egbe nian, a te miẹn wẹẹ orueghe nọkhua suẹn rẹn?
Tie 2 Kọrint 6:12, 13. Iyeke ọni, u ghi we ne etẹn zẹ ewanniẹn ye inọta na:
Ma ghaa lele ẹmwẹ ni rre ako na, vbọ khian ya ru iyobọ ne ima hẹ vbe ima gha khian zẹ ọse?
Kpee VIDIO na “Emwi Hia Fẹẹrẹ Mwẹ Ẹghẹ Ọre”—Ọ Rhie Ẹghẹ A Ke Do Gu Obọ Avbe Ọse. Iyeke ọni, u ghi we ne etẹn zẹ ewanniẹn ye inọta na:
Vbua miẹn ruẹ vbe vidio na vbekpa ọse na mwẹ?
U gha muẹnmuẹn ogiẹ daa ọmwa, ra u na tuọ ọmwa, ẹkpotọ sẹtin kie ne uwa ya gha re ọse. Iyeke ọni, u ghi hia ne u rẹn ọmwa nii sayọ. Gha mwẹ izinegbe, rhunmwuda, kherhe kherhe ẹre uwa khian ya gha gu obọ egbe sayọ. Zẹvbe ne uwa ya ru vberriọ, wa gha sẹtin do gha re ọse vbe etẹbitẹ.
8. Iruẹmwi E Baibol Ọghe Iko
(Ifuanro 30) lfb iruẹmwi 10-11