OCTOBER 20-26
ASAN-IBO 9-10
Ihuan 30 Kevbe Erhunmwu | Ẹmwẹ Ọghe Omuso (Ifuanro 1)
1. Gha Ya Aro Nọ Khẹke Ghee Ọlọghọmwa Ne U Ye
(Ifuanro 10)
Ma rẹnrẹn wẹẹ, ma ghaa rre uwu ọlọghọmwa, ọ ma rhie ma we Jehova mu ohu ima (Asan 9:11; w13 8/15 14 ¶20-21)
Ma ma ya aro yọ wẹẹ, te emwi hia khian wa gha maan ne ima vbe agbọn Esu na (Asan 10:7; w19.09 5 ¶10)
Gi ima gha sọyẹnmwẹ emwi ughughan ne Jehova ya ru ima ẹse, uhiẹn vbe ima ghaa rre uwu ọlọghọmwa (Asan 9:7, 10; w11 10/15 8 ¶1-2)
2. Emwi Ewe Ọghe Orhiọn
(Ifuanro 10)
Asan 10:12-14—De vbene ako na ya ya obọ sekhae ne ima hẹ, vbe nọ dekaẹn iyẹn ẹrrẹ na na? (it “Iyẹn Ẹrrẹ, Ọtakhọ” ¶4, 8)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Asan 10:1-20 (th iruẹmwi 11)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ADESẸ ORERE. Ọmwa ne u khian gu guan na i ghọghọ, gualọ odẹ ne u khian ya suẹn gha gu ẹre guan. (lmd iruẹmwi 3 uhunmwu ẹmwẹ 4)
5. U Gha Khian Suẹn Gha Gu Emwa Guan
(Ifuanro 4) IKPORHU ỌGHE ẸGHẸ KE ẸGHẸ. Loo ọkpa vbe usun “Ẹmwata Ne Ima Hoo Ne Ima Gha Ma Emwa Ẹre,” ni rre apẹndis A ọghe ebe ẹmu na tie ẹre Hoẹmwẹ Emwa ya kporhu ma ọmwa nọ tama ruẹ wẹẹ, vbene emwi ghi ya lọghọ wa kpokpo irẹn vbe orhiọn. (lmd iruẹmwi 4 uhunmwu ẹmwẹ 4)
6. Ya Emwa Khian Erhuanegbe
(Ifuanro 5) lff iruẹmwi 17 olika ẹmwẹ, ogbewerriẹ, kevbe emwi ne u gha ru. (lmd iruẹmwi 12 uhunmwu ẹmwẹ 3)
Ihuan 47
7. E Jehova Gha Ya Ruẹ Deziẹn Vbe U Ghaa Rre Uwu Ọlọghọmwa Nọ Wegbe
(Ifuanro 15) Ọta na koko zẹ iro yan.
Ẹdẹdẹgbe ẹre ima ya miẹn edanmwẹ kevbe ọlọghọmwa. Vbọrhirhighayehẹ, ọlọghọmwa eso sẹtin wa rre vbe udemwurri, ọ ghi wa wegbe sẹrriọ wẹẹ, iro ghi han ima, ẹtin ghi fo ima, uhiẹn, ugamwẹ ne ima rhie ne Jehova ghi vbe gha yẹkẹ. Vbọ khian ru iyobọ ne ima vbe ima ghaa rre uwu ọlọghọmwa nọ wegbe?
Ọlọghọmwa ne ima rhirhi gha ye, e Jehova gha ‘ya ima deziẹn.’ (Aiz 33:6) Ne ima mieke na sẹtin mu ẹtin yan e Jehova, te ọ khẹke ne ima gha ru emwi ye oreghe, ma ghi vbe rẹn vbene ẹtin ima sẹ. (Itan 11:2) Emwi nọ wegbe gha sunu daa ima, a sẹtin miẹn wẹẹ, te ima gha rhie ẹghẹ eso ne ima mieke na sẹtin gbaroghe egbe ima ra ọmwa ne ima hoẹmwẹ ọnrẹn, ra ne ima ya khiẹ ye emwi nọ sunu. Ọna sẹtin vbe ru iyobọ ne ima ya ru azẹ nọ khẹke. (Asan 4:6)
Ugbẹnvbe a miẹn wẹẹ, e Jehova loo etẹn ya fu ima ẹko rre, te ọ khẹke ne ima miẹn iyobọ ọghe iran yi, ma ghi vbe gha nọ iyobọ vbe obọ iran. Yerre wẹẹ, etẹn hoẹmwẹ ruẹ ẹsẹsẹmwẹse, ọ wa vbe sẹ iran ọyẹnmwẹ vbe iran gha sẹtin ru iyobọ nuẹn.
Tie 2 Kọrint 4:7-9. Iyeke ọni, u ghi we ne etẹn zẹ ewanniẹn ye inọta na:
Vbọzẹ nọ na khẹke ne ima ye gha tie Baibol, kevbe ne ima ye gha yo iko kevbe ikporhu, uhiẹn vbọ ghaa lọghọ ne ima ru vberriọ?
Kpee VIDIO na E Jehova Sikẹ Iran Ne Iro Hanrẹn. Iyeke ọni, u ghi we ne etẹn zẹ ewanniẹn ye inọta na:
De vbene Jehova ya ru iyobọ ne Ọtẹn Nokpia kevbe Ọtẹn Nokhuo Septer?
De vbene etẹn ne iran gba ga e Jehova vbe ya ru iyobọ ne iran hẹ?
De emwi ọvbehe ne u miẹn ruẹ vbe obọ iran?
8. Iruẹmwi E Baibol Ọghe Iko
(Ifuanro 30) lfb iruẹmwi 28, omuso ọghe abọ 6, kevbe iruẹmwi 28-29