Emwi Eso Ne U Gha Sẹtin Ru Vbe U Ghaa Ruẹ Emwi Ne Egbuẹ Ra Vbe U Ghaa Ru Iruẹmwi Ẹgbẹe

Ẹ i re iko na yọ ra asikoko ọkpa ẹre ima na sẹtin ruẹ vbekpa e Jehova, sokpan, edọmwadẹ ima gha vbe sẹtin ruẹ vbekpa e Jehova; uhiẹn, ma gha vbe sẹtin ru vberriọ zẹvbe ẹgbẹe. Emwi eso ne u gha sẹtin ru vbe u ghaa ruẹ emwi ne egbuẹ ra vbe u ghaa ru iruẹmwi ẹgbẹe ẹre na khin:

• Mu egbe iko yotọ. Ruẹ ihuan na khian so vbe iko vbe ẹdẹrriọ yotọ; u ghi vbe ru iyobọ ne emwa hia vbe ẹgbẹe ruẹ ya mu egbe ewanniẹn ne iran khian zẹ vbe iko vbe ẹdẹrriọ yotọ.

• Tie okha ọkpa vbe Baibol. Iyeke ọni, u ghi draw emwi ọkpa nọ sunu vbe ako ne u tie re ladian ra u ghi gbẹnnẹ emwi ne u ruẹ re yotọ.

• Tie erhunmwu ọkpa vbe Baibol, iyeke ọni, u ghi zẹ iro yan vbe nọ gha ya ru iyobọ nuẹn ya gha mwẹ alaghodaro vbe odẹ ne u ya na erhunmwu.

• Ghee vidio ọkpa vbe jw.org, iyeke ọni u ghi gu emwa ọvbehe guan vbekpa ẹre ra u ghi gbẹnnẹ emwi eso vbekpa re yotọ.

• Mu egbe ikporhu yotọ, u sẹtin ru orhiema ọghe vbene u gha ya kporhu hẹ.

• Gbarokotọ ghee evbayi, u ghi vbe mu emwi ne u miẹn ruẹ vbọ roro ra u ghi tama emwa ọvbehe, emwi nọ ma ruẹ re vbekpa e Jehova.a