Gha Rhie Ẹre Ma Wẹẹ, U Mwẹ Udinmwẹ Vbe Emwa Ghaa Kpikpi Ruẹ Ne U Ru Emwi Nọ Ma Khẹke

Tie Jerimaia 38:1-13, u gha bẹghe vbene akhasẹ ighẹ e Jerimaia vbe Ẹbẹdmẹlẹk ne ọghẹrriẹnoguan ya rhie ẹre ma wẹẹ, iran mwẹ udinmwẹ.

Hia ne u rẹn eke ne ẹmwẹ ke dee kevbe eke ne ẹmwẹ rrie. De vbene Jerimaia ya rhie udinmwẹ ma hẹ vbe ọ ghaa ya uhunmwu ne Jehova gie ẹre wewe ma Ivbi Izrẹl? (Jer 27:12-14; 28:15-17; 37:6-10) De obọ ne iran ya muẹn?—Jer 37:15, 16.

Ruẹ sayọ. De emwi ne emwa ghaa hoo ne Jerimaia ru? (jr 26-27 ¶20-22) Hia ne u gualọ otọ vbene avbe uhae ghaa ye hẹ vbe ẹghẹ nẹdẹ kevbe emwi na ghaa yae ru. (it-1 471) De vbene emwi ghaa ye Jerimaia hẹ vbe ọ rre uwu uhae nii ne ekhuọrhọ vuọẹn? Ọ gha kẹ, de emwi eso nọ ghaa ya ohan mu Ẹbẹdmẹlẹk?—w12 5/1 31 ¶2-3.

Emwi ne u miẹn ruẹ vbọ. Nọ egbuẹ wẹẹ:

• ‘De emwi ne okha na ma mwẹ re vbekpa odẹ ne Jehova ya gbogba gae eguọmwadia ẹre ni mwẹ ẹkoata daa ẹre?’ (Psm 97:10; Jer 39:15-18)

• ‘De ẹghẹ eso nọ khẹke ne I ya rhie ẹre ma wẹẹ, I mwẹ udinmwẹ?’

• ‘Vbọ khian ru iyobọ mẹ ne I mieke na sẹtin gha mwẹ udinmwẹ ne I khian ya ru emwi nọ khẹke vbe emwa ghaa kpikpi mwẹ ne I ru emwi nọ ma khẹke?’(w11 3/1 30)a