Emwa Ni Rre Ukpo Arriọba Ni Fi Ibeleku​—Emwi Ne Arriọba Osanobua Khian Ru

Arriọba ne emwa gha sẹtin mu ẹtin yan ẹre iran gualọ, egbe avbe arriọba ni rrọọ na wọọ iran nẹ, rhunmwuda iran ru ero gbe. Vbe a ghi nọ emwa ni bun ọta vbekpa otu ughughan vbe ukpo 2023, ni bun sẹ vbọ keghi kha wẹẹ, iran ma zẹdẹ mu ẹtin yan arriọba.a

E Baibol guan kaẹn arriọba ọkpa ne ima gha sẹtin mu ẹtin yan Ọkaolutu ọghẹe, ọmwa ata ẹre nọ, ẹ i vbe fi ibeleku, ẹ i khian vbe fiwerriẹ ẹdẹ. Arriọba na ọre Arriọba Osanobua kevbe wẹẹ, Jesu Kristi ọre Ọkaolotu ọghe nene Arriọba.​—Aizaia 9:7.

Jesu ru emwi ni bun nẹ nọ ya ima rẹn wẹẹ, ọ gele hoẹmwẹ emwa. (Matiu 9:35, 36) Zẹvbe Ọba ọghe Arriọba Osanobua, ohiẹn ata ẹre ọ khian gha bu, ọ gha vbe ruẹ ne emwa hia ne irẹn khian gha kha yan gha rrọọ vbe ọfunmwegbe.​—Psalm 72:12-14.