ABỌ 4

De Emwi Nọ Ghi Kẹrikian Vbe Iran Danmwehọ E Setan?

Adam vbe Ivi ma họn ẹmwẹ ne Osanobua, rhunmwuda ọni, iran keghi wu. Gẹnẹsis 3:6, 23

Ivi gha rri ọmọ erhan ne Osanobua wẹẹ ne iran ghẹ re, ọ na vbe rhie ne Adan ne ọ re vbọ

Ivi keghi danmwehọ ẹyẹn nii, ọ na rri ọmọ erhan nii. Vbe iyeke ọni, ọ na vbe rhie ne Adam ne ọ re vbọ, ẹre Adam na gele rriọe.

Emwi ne iran ru na keghi re orukhọ. Osanobua keghi khulo iran hin e Paradais rre.

Adam vbe Ivi khian ọmaẹn, iran na vbe wulo

Agbọn na do gha lọghọ iran kevbe ivbi iran. Iran na do khian ọmaẹn, iran na ghi wu. Iran ma gha rrie ehe rhọkpa vbe iran wu; iran ma ghi gha rrọọ.

Ọmwa gha wu nẹ, ọ ghi khian ekẹn. Gẹnẹsis 3:19

Emwa ni ke ẹvbo ughughan rre, ni he yin agbọn ke ẹghẹ Adam do sẹ ẹghẹ ọghe ima

Rhunmwuda ne ima hia na re ivbi Adam vbe Ivi ẹre ọ si ẹre ne ima na wulo. Ọmwa gha wu nẹ, ẹi ghi bẹghe emwi nọ sunu, ẹi ghi họn ẹmwẹ na ta, ẹi ghi vbe sẹtin ru emwi rhọkpa.—Asan-Ibo 9:5, 10.

Ẹgbẹe ọkpa gha khiẹ rhunmwuda ovbi iran nokhuo nọ wu

E Jehova ma te hoo ne emwa gha wulo. Vbe nẹi khian ghi kpẹẹ gbe, ọ gha huẹn emwa ni wulo kpaegbe. Adeghẹ iran na danmwehọ re, iran ghi gha rrọọ vbe etẹbitẹ.