AZA EBE ỌGHE Watchtower NỌ RRE INTANẸT
Watchtower
AZA ỌGHE EBE NỌ RRE INTANẸT
Edo
  • E BAIBOL
  • AVBE EBE KEVBE EVBA KPEE
  • IKO
  • lfb iruẹmwi 93 ipapa 216-ipapa 217 okhuẹn 5
  • Jesu Kpa Gha Rrie Ẹrinmwi

E vidio rhọkpa i rre ako na.

Ghẹ gui, e vidio na ma sẹtin kpee rhunmwuda emwi eso nọ ya egbe kaẹn egbe.

  • Jesu Kpa Gha Rrie Ẹrinmwi
  • Iruẹmwi Ni Rre Uwu E Baibol
  • Ọvbehe Nọ Khọe
  • Jesu Keghi Kporhu Iyẹn Nọ Maan Ọghe Arriọba
    Iruẹmwi Ni Rre Uwu E Baibol
  • “Wa Ghi Ya Sẹ Osẹ Mẹ”
    ‘Gha Ta Ẹmwẹ Arriọba Osanobua Ma Emwa Ẹsẹsẹmwẹse’
  • Orhiọn Nọhuanrẹn Tuorre Yan Avbe Erhuanegbe Jesu
    Iruẹmwi Ni Rre Uwu E Baibol
Iruẹmwi Ni Rre Uwu E Baibol
lfb iruẹmwi 93 ipapa 216-ipapa 217 okhuẹn 5
Erhuanegbe Jesu gha ghee ẹre, vbe ọ kpa gha rrie ẹrinmwi

IRUẸMWI 93

Jesu Kpa Gha Rrie Ẹrinmwi

Jesu keghi si avbe erhuanegbe ẹre koko vbe Galili. Ọ na yi iyi ne kpataki ne iran. Ọ tama iran wẹẹ: ‘Wa gha khian, ne uwa ya emwa khian erhuanegbe mwẹ. Wa maa iran re, emwi hia ne I vbe maa uwa re, wa ghi vbe dinmwi iran ye amẹ.’ Jesu na vbe yan ma iran wẹẹ: ‘Wa yerre wẹẹ, I gu uwa rrọọ vbe ẹghẹ hia.’

Vbe Jesu ghi rhiọkpaegbe, ikpẹdẹ 40 ẹre ọ gbe vbe agbọn na, ọ ke gha rrie ẹrinmwi. Vbuwe ẹghẹ na, Jesu keghi rhie egbe ma erhuanegbe ẹre nibun vbe Galili kevbe Jerusalẹm. Ọ na maa iran emwi nibun ni ru ekpataki. Ọ vbe winna iwinna ọyunnuan nibun. Vbe ne Jesu ke kpa gha rrie ẹrinmwi, ọ na si avbe ukọ ọghẹe koko vbe uhunmwu Oke Oliv. Ọ na tama iran wẹẹ: ‘Wa ghẹ kpa hin e Jerusalẹm rre. Wa zin egbe khẹ emwi ne Erha mwa yan rẹn.’

Avbe ukọ ọghẹe ma rẹn emwi ne Jesu ya ẹmwẹ na kha. Iran na nọ rẹn wẹẹ: ‘Te uwẹ khian ghi wa suẹn gha kha yan otọ Izrẹl ra?’ Jesu keghi wanniẹn iran wẹẹ: ‘Ọ ma he sẹ ẹghẹ ne Jehova wẹẹ ne I ya gha re Ọba. Vbe ne ẹi khian ghi kpẹẹ gbe, orhiọn nọhuanrẹn gha rhie ẹtin ne uwa. Ẹghẹ nii, wa ghi do gha re osẹ mwẹ. Wa kporhu vbe Jerusalẹm, e Judia, e Sameria, uhiẹn ya sẹ eke nọ ghi rree sẹ vbe agbọn na.’

Vbe iyeke ọni, Jesu keghi kpa gha rrie ẹrinmwi. Vbe ọ ghi khian, okuku keghi degue ẹre, erhuanegbe ẹre ma ghi sẹtin dẹghe ẹre.

Erhuanegbe Jesu keghi tuorre vbe uhunmwu Oke Oliv gha rrie Jerusalẹm. Ọ mwẹ ughugha nọ rre egedege ọkpa vbe Jerusalẹm, ne iran na gha si egbe koko na erhunmwu vbe ẹghẹ hia. Iran kegha diakhẹ adia ne Jesu khian rhie ne iran, ne iran mieke na rẹn emwi ne iran gha ru.

“A gha kporhu iyen ne ọ maan ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.”—Matiu 24:14

Inọta: De iyi ne Jesu yi ne erhuanegbe ẹre? De emwi nọ sunu vbe uhunmwu Oke Oliv?

Matiu 28:16-20; Luk 24:49-53; Jọn 20:30, 31; Iwinna 1:2-14; 1 Kọrinti 15:3-6

    Ebe Edo Hia (2001-2025)
    Lọg Out
    Lọgin
    • Edo
    • Share
    • Vbene Ne U Gualọe Yi
    • Copyright © 2025 Watch Tower Bible and Tract Society of Pennsylvania
    • Vbene A Ya Loo Ẹre Hẹ
    • Uhi Nọ Dia Ayahọmwaehọ Ọghe Emwa Ni Loo E Wẹbsait Na
    • Privacy Settings
    • JW.ORG
    • Lọgin
    Share