Gia Tuabọ Ye Iwinna Ikporhu Iyẹn Nọ Maan!

1. Gima tuabọ y’iwinna ’rriọba

N’Osa mwa mu y’ima ’bọ.

Ọ khẹke na ruiyobọ ne ’mwa;

Ẹd’ibuohiẹn sotọ nẹ.

Ẹkpotọ wa ye kie ne ’mwa hia

N’iran do guOsa ruadọlọ.

Iwinna nibun wa ye rr’otọ;

Ọ khẹke n’ima tuabọ yọ.

2. Wa gima gha y’ekhọe hia winna;

Ọ khẹke na kuobọ gbe.

K’ọmaẹn k’ẹghele ni rr’uw’iko,

Wa hia tuabọ y’iwinna.

Ọ wa khẹke na tam’emwa hia

W’Arriọba ’gh’Osa sotọ nẹ.

Jehova keghi rhi’ẹtin n’ima;

Mai zẹdẹ mw’afianma hiehie!