IHUAN 95
Te Ne Ukpa Ghi Wa Baa Sayọ
(Itan 4:18)
1. Avb’akhasẹ nẹdẹ keghi tae yotọ
Wi Jesu gha rre do mi’emwa fan.
Orhiọn nọhuanrẹn keghi wa rhiẹre ma,
Ẹghẹ ne Mezaya khian ya rre.
Ọ gele rre nẹ, ọ vbe suẹn gha kha nẹ.
Ma bẹgh’osẹ nọ rhiẹre ma.
Ukpamuyọmọ nọ na rẹn ’mwi vberriọ,
N’avb’odibo vbe hoo n’iran rẹn!
(KORRỌS)
T’ima ghi wa bẹgh’odẹ sayọ,
Vbe na rr’ogiavan ’gioghogho.
Osanobua mwa keghi suima;
Emwi nibun vẹ n’ima rẹn.
2. Enọyanmwa y’evbar’orhiọn kok’ima,
L’obọ ’viẹn n’irẹn wa muẹtin yan.
Ukpa ọgh’ẹmwata keghi baa sayọ;
Ekhọe ọghomwa vuọn n’oghọghọ.
Odẹ n’ima la keghi wa rriẹ sayọ.
Ma mudiase vb’odẹ ’mwata.
Ma kpọnmw’e Jehova n’Osa ọgh’ukpa.
T’ima khian wa lelẹe s’ufomwẹ.
(KORRỌS)
T’ima ghi wa bẹgh’odẹ sayọ,
Vbe na rr’ogiavan ’gioghogho.
Osanobua mwa keghi suima;
Emwi nibun vẹ n’ima rẹn.
(Vbe ya ghee Rom 8:22; 1 Kọr 2:10; 1 Pit 1:12.)