Yegbe Taa Amuẹtinyan Ọghe Iran
1. De ebe ne ima khian suẹn gha ruẹ vbe Iruẹmwi E Baibol Ọghe Iko vbe uzọla nọ khian suẹn vbe October 19?
1 Vbe uzọla nọ khian suẹn vbe October 19, 2015, ima gha suẹn gha ruẹ ne ebe Imitate Their Faith vbe Iruẹmwi E Baibol Ọghe Iko. Ebe na keghi guan kaan ikpia vbe ikhuo 14 ni mwẹ amuẹtinyan ne okha ọghe iran rre Baibol. A keghi gbẹn ebe na vbe odẹ nọ gha ye ima ye aro ekhọe bẹghe iran ni mwẹ amuẹtinyan na, zẹvbe emwa kẹkan vbene ima ye, ni werrie aro daa isievẹn vbe ẹghẹ ne iran ya gha ga e Jehova. Ebe na vbe rhiẹre ladian, emwi ne ima gha miẹn ruẹ vbe avbẹ okha na, ne ima gha sẹtin vbe rhie ye uyinmwẹ vbe ẹdẹnẹrẹ.—Hib. 6:12.
2. Rhan otọe emwi eso nọ rre ne ebe Imitate Their Faith?
2 Evbọ rre ebe na: E mapu kevbe ama na vinnọ ọghe ẹghẹ ne emwi ya sunnu keghi rre ebe na. Ọna gha ru iyobọ ne ima ya rẹn ẹghẹ ne dọmwadẹ emwa na guan kaan ya gha rre agbọn kevbe ehe ne iran ghaa ye. Deba ọni, dọmwadẹ uhunmwu ebe keghi mwẹ ako nọ mwẹ uhunmwuta nọ khare wẹẹ “To Think About . . . .” Ako na, gha ru iyobọ ne ima ya gha muẹn ne okha roro, kevbe wẹẹ ọ gha vbe gu ima kpa, ne ima rhiẹre ye uyinmwẹ, emwi ne ima ruẹre vbọ. Avbe efoto ne mosemose ni hẹnhẹn egbe yan evba fẹko gualọ otọre wa bun vbe ebe na, nọ gha ru iyobọ ne ima, ya gha ghee avbe okha na zẹvbe emwi nọ sirra ima sunnu.
3. De emwi ne ima gha ru ne ima mieke na miẹn ere vbe iruẹmwi ọghe ebe na?
3 Vbene U khian Ya Miẹn Ere Vbọ: Elẹta ne Ẹbu Nọ Su gbẹn nọ rre omuhẹn ọghe ne ebe keghi rhie igiọdu ne ima vbene ọ na kha wẹẹ: “Ye aro ekhọe bẹghe emwi nọ sunnu vbene a miẹn wẹẹ, te uwẹ wa gha rre evba. Giẹ yevbe na miẹn wẹẹ emwi ne iran ye aro miẹn ẹre uwẹ vbe ye aro miẹn. U ghi ye emwi ne iran ru gie emwi ne uwẹ gha te ru deghẹ uwẹ nọ.” Vbene ẹmwata, na loo aro ekhọe ọghe ima, ma wa rhiema wẹẹ, te ima khian ye ekhọe zomwa rẹn gberra egbe ighẹ emwi nọ sunnu, nọghayayerriọ, ọ khẹke ne ima ye aro ekhọe bẹghe ẹre emwi ne evbagbẹn nọhuanrẹn khare, kevbe nima yae ru egbe ghee emwi nọ sunnu daa avbe emwa nii. Rhunmwuda ọni, te ima gha gualọ ẹghẹ ya gha mu avbe okha na roro. (Nẹh. 8:8) Adeghẹ ẹi re omuhẹn ọghe uhunmwu ebe ẹre a khian na suẹn, ọtẹn nọ ma ọmwa emwi ghi ka loo ẹghẹ nẹi khian gberra ifuanro ọkpa ya gbẹrọrriẹ ighẹ evba ruẹre kiekie. Ọ sẹtin nọ ọta ọkpa ra eva ya muẹn sẹ ufomwẹ ighẹ ne ogbewerriẹ, deghẹ ne ako na ruẹre kiekie i mwẹ ne uhunmwuta “To Think About . . .”
4. Vbọzẹ nọ na khẹke ne ima ruẹ ne ebe Imitate Their Faith?
4 Emwi ughughan ẹre ima werrie aro daa vbe ẹdẹgbegbe, vbe agbọn ne ima ye na, nọ gha sẹtin gbe amuẹtinyan ọghomwa muotọ. Ebe na—kevbe avbe uhunmwuta ọghe The Watchtower ne ebe na hẹnhẹn egbe yan—keghi re ẹse nọ ke obọ e Jehova rre nọ ya ru iyobọ ne ima ne amuẹtinyan ọghomwa mieke na gha wegbe sayọ. (Jems 1:17) Gima loo ẹre se ighẹ ẹkpotọ nọ kie ne ima na, lekpae na gha yo Iruẹmwi E Baibol Ọghe Iko vbe ẹghẹ hia, kevbe na gha zẹ ewanniẹ ẹsẹsẹmwẹse vbe ẹghẹ na gha ya ruẹ ebe na kugbe!