AZA EBE ỌGHE Watchtower NỌ RRE INTANẸT

AZA ỌGHE EBE NỌ RRE INTANẸT

mwb16 April ipapa 3
Loo Ẹmwẹ Ne Khuẹrhẹ Ya Rhie Igiọdu Ne Emwa Ọvbehe

Ebe Iwinna Na Loo Vbe Ne Iko Uyinmwẹ Kevbe Iwinna Ọghe Ima Ne Ivbiotu e Kristi—2016

mwb16 April ipapa 3

EMWI EWE NI RRE UWU ẸMWẸ ỌGHE OSANOBUA | JOB 16-20

Loo Ẹmwẹ Ne Khuẹrhẹ Ya Rhie Igiọdu Ne Emwa Ọvbehe

Ọ khẹke ne ẹmwẹ ọghe ọbude gha rhie ẹrhiọn ye emwa iwu

16:4, 5

E Job kegha gualọ iyobọ kevbe igiọdu vbe obọ emwa ọvbehe vbe ọ rre uwu obalọ kevbe ẹghẹ ne iro ya han rẹn
Ọse eha ne Job ghaa mwẹ ma fu ẹre ekhọe rre. Nọghayayerriọ, iran na gha ta ẹmwẹ nọ gha kpokpo ẹre orhiọn sayọ

Ẹmwẹ obi ne Bildad tae ẹre ọ siẹ ne Job na viẹ egbe ẹre rua

19:2, 25

E Job keghi tu ma Osanobua wẹẹ irẹn wu ẹre ọ kue maan irẹn sẹ
E Job na rhie aro tua arriọkpaegbe nọ dee vbe odaro, ẹre ọ na ziengbe sẹ ufomwẹ

Ẹlifaz gha gu e Job guan vbene Bildad kevbe Zofa na gha ghee iran

EMWA NI BA E JOB IFIẸZỌ

Ẹlifaz:

Egbọre ẹvbo na tiẹre Teman nọ rre otọ Idọm ẹre ọ ke rre. Zẹvbe ne ebe Jerimaia 49:7 giẹre, Teman keghi re ẹzi ẹwaẹn ọghe Idọm
Egbọre Ẹlifaz ẹre ọ khian enọwanrẹn sẹ kevbe irẹn ẹre ọ ta ẹmwẹ nọ sẹ vbuwe ọsie Job eha ni do fu ẹre ekhọe rre, rhunmwuda irẹn ẹre ọ ka guan. Igba eha ẹre ọ guan rẹn, kevbe ẹmwẹ ọghẹe ẹre ọ taan sẹ ọghe iran eva nikẹre

Ifiẹzọ ohoghe nọ ba re:

Ọ na ye Job gha gbogiẹ kevbe ọ na kha wẹẹ Osanobua i mu ẹtin yan eguọmwadia ọghẹe (Job 4, 5)
Ọ khare wẹẹ ọmwa dan kevbe nọ tengbemu ẹre Job khin kevbe wẹẹ, ẹi mwẹ imuohan ọghe Osanobua (Job 15)
Ọ khare wẹẹ, ọmwa arovbẹmwẹ kevbe nọ gbe ọmwa ekueku ẹre Job khin, kevbe wẹẹ emwa nagbọn i mwẹ esa ne iran ye vbe odaro Osanobua (Job 22)

E Bildad:

Nọ ke uniẹn Siua rre. Egbọre ọkpẹn Ẹzẹ ọghe Yufretes ẹre ọ ghaa ye
Irẹn ọre ọmwa nogieva nọ guan rẹn. Ọ ma ta ẹmwẹ nọ bun gbe vbe igba eha nọ guan rẹn, sokpan ẹmwẹ nọ tae ẹre ọ wegbe sẹ ọghe Ẹlifaz

Ifiẹzọ ohoghe nọ ba re:

Ọ keghi fi itan gie Job wẹẹ, orukhọ ne ivbiẹre ru ẹre ọ siẹ ne iran na wulo, kevbe wẹẹ e Job tobọre ma ya Osa yi (Job 8)
Ọ keghi fi itan gie Job wẹẹ, ọmwa orukhọ nọ (Job 18)
Ọ khare wẹẹ esa i rrọọ na da imudiase ọghomwa yi (Job 25)

E Zofa:

Ovbi e Neama ẹre nọ, egbọre odẹ orrie vbe obọ okuọ vbe Arebia ẹre ọ ke rre
Irẹn ọre ọmwa nogieha nọ guan rẹn kevbe ẹmwẹ ọghẹe ẹre ọ ghi wa khọ sẹ. Igbava ẹre ọ guan rẹn

Ifiẹzọ ohoghe nọ ba re:

Ọ khare wẹẹ, ẹmwẹ nẹi mwẹ evbọ demu ẹre Job ta, kevbe ọ na tama rẹn nọ zẹ obọ vbe emwi dan na ru (Job 11)
Ọ keghi fi itan gie Job wẹẹ, ọmwa dan ne ọ wa fuẹn vbuwe orukhọ ẹre Job khin (Job 20)