Uwẹ Loo JW Library Ra?

JW Library keghi re evba loo nu gha sẹtin mu ye efoni, e tablẹti ra ekọmputa ruẹ. Ọ gha ru iyobọ nuẹ ya danlod e Baibol, avbe ebe ughughan, avbe vidio kevbe evba ye ehọ viọ.

VBENE U KHIAN YA MIỌẸN HẸ: La intanẹt nu gualọ JW Library vbe app store. Ekọmputa kevbe efoni ughughan gha sẹtin gha mwẹ JW Library. U gha la intanẹt, kie  JW Library nu gualọ emwi ne u hoo ne u danlod ye ekọmputa ra efoni ruẹ. Adeghẹ u i khian sẹtin la intanẹt vbe eke nu ye, u sẹtin gha rrie ehe ọvbehe ne u gha na sẹtin lahọ. U gha ghi danlod emwi ye ekọmputa ra efoni ruẹ nẹ, esa i rrọọ nu dọlegbe la intanẹt u ke kie ẹre. Rhunmwuda wẹẹ ẹghẹ hia ẹre a ya mu emwi ọgbọn ye JW Library, u sẹtin gha la intanẹt ke ẹghẹ ya fi ẹghẹ, nu mieke na mu emwi ọgbọn ni rrọọ ye ekọmputa ra efoni ruẹ.

EVBỌZẸ NỌ NA KHẸKE NU GHA MWẸ ỌNRẸN: JW Library keghi yae khuẹrhẹ ighẹ iruẹmwi ọghe obọmwa. Erriọ JW Library vbe ya maan na loo vbe iko kevbe ikporhu, katekate vbe a gha rre ikporhu ọghe ẹkpotọ nọ rhirhi kie.