Etẹn ni rre ikporhu ọghe ke owa ya sẹ owa vbe Italy
Vbene A Khian Ya Rhiẹre Ladian Hẹ
THE WATCHTOWER
Inọta: Emwamwa ọghe Osanobua nọ ne ima gha wu ra?
Evbagbẹn Nọhuanrẹn: Arhie 21:4
Vbene A Khian Ya Rhiẹre Ladian Hẹ: E Watchtower na guan kaan emwi ne Baibol khare vbekpa arrọọ kevbe uwu.
GI EMWA RẸN NE ẸMWATA
Inọta: Vbọsiẹ ne emwa nagbọn na susẹ?
Evbagbẹn Nọhuanrẹn: 1 Jọn 5:19
Ẹmwata: Setan ẹre ọ kha yan agbọn na.
DE VBENE IRUẸMWI ỌGHE BAIBOL YE HẸ?
Vbene A Khian Ya Rhiẹre Ladian Hẹ: Avbe Osẹe Jehova keghi gu emwa ruẹ e Baibol ọghọhẹ vbene iran na rhie ewanniẹ ye avbe inọta vbenia: Vbọsiẹ ne emwa nagbọn na susẹ? De emwi nọ khian ya ẹgbẹe mwẹ gha mwẹ oghọghọ? E vidio ne kuẹi na rhan otọre vbene ima ya gu emwa ruẹ e Baibol hẹ. [Kpee ne vidio De Vbene Iruẹmwi Ọghe Baibol Ye Hẹ?] Ma gha sẹtin loo ebe na ya gu ọmwa ruẹ e Baibol. [Maa re ọkpa vbe usun ebe ne ima loo ya gu ọmwa ruẹ emwi, kevbe deghẹ ẹkpotọ na kie, u sẹtin ru igiemwi ọghe vbene a ya gu ọmwa ruẹ e Baibol hẹ.]
MUEGBE ẸRE YOTỌ IGHẸ ẸMWẸ OBỌ RUẸ NE U KHIAN TA YA RHIẸRE LADIAN
Loo avbe igiemwi na, ya mwamwa ẹmwẹ obọ ruẹ nu khian ta ya rhiẹre ladian.