Ru Iyobọ Ne Iran, Ne Iran Ghẹ Dobọ Re Yi Ighẹ Ugamwẹ Ne Iran Rhie Ne Jehova

Zẹvbe ne aro ima he vbe dae, etẹn na ke otọ maa re vbene a ya zọghae hẹ vbe iwinna ikporhu iyẹn nọ maan keghi musọe vbe iwinna ikporhu ọghe iran. (Itan 22:6; Fil 3:16) Azẹvbiro eso nọ dekaan vbene u gha ya ru iyobọ ne ọmwa ne u gu ruẹ e Baibol, nọ gha zọghae vbe iwinna ikporhu keghi rre ototọ mwa:

• Adeghẹ a na kpasẹ yọ wẹẹ ne ọmwa ne u gu ruẹ e Baibol gha ya iyẹn wewe, u ghi suẹn gha maa re vbene a ya kporhu hẹ vbobọvbobọ. (km 8/⁠15 1) Ru iyobọ nẹ, ne ọ ya rẹn wẹẹ na gha yo ikporhu vbe uzọla uzọla keghi re abọ ọkpa vbe ugamwẹ ne ima rhie ne Jehova. (Fil 1:10) Gi ẹmwẹ ne u ta vbekpa ako ne uwa na kporhu gha re nọ gua ọmwa kpa. (Fil 4:⁠8) Rhie igiọdu nẹ, nọ gha deba ọtẹn nọ siẹnro ẹbu nọ lele yo ikporhu winna, ọ sẹtin vbe deba etẹn ọvbehe ni ya iyẹn wewe winna vbe ikporhu, nọ mieke na miẹn emwi ruẹ vbe obọ iran.—Itan 1:5; km 10/12 6 okhuẹn 3

  

• Ọ gha khọnrẹn wẹẹ ne ọmwa ne u gu ruẹ e Baibol dinmwiamẹ nẹ, ye gha ru iyobọ nẹ, katekate deghẹ ọ ma na he ruẹ ọre fo ighẹ ne ebe “God’s Love.”—km 12/13 7

  

• U gha gu ọmwa nọ da suẹn gha ya iyẹn wewe winna vbe ikporhu, ghẹ ta ẹmwẹ nọ bun gbe vbe u gha kporhu, ne ọ mieke na sẹtin yegbe taa ruẹ. Adeghẹ irẹn na vbe kporhu, u ghi tian rẹn ẹsẹsẹmwẹse. Rhie azẹvbiro eso nẹ, nọ gha ru iyobọ nẹ ya ru sayọ vbe ẹdẹ ọvbehe.—km 5/10 7