UYINMWẸ ỌGHE IMA NE IVBIOTU E KRISTI
Gha Begbe Kevbe Ne U Gha Zọghae Vbe Odẹ Ọghe Orhiọn Vbe Afiwerriẹ Rhọkpa Gha Rhiegbe Maa Vbe Arrọọ Ruẹ
Ẹghẹ hia ẹre afiwerriẹ ya rhiegbe maa, katekate vbe ẹghẹ okiekie ẹdẹ ne ima ye na. (1 Kọr 7:31) Ọre te ima yaro yọ ra te ọ wa rre vbe udomwurri, afiwerriẹ sẹtin si edogbandogban eso ye ugamwẹ ne ima rhie ne Jehova. De emwi nọ khian ru iyobọ ne ima, ne ima ya gha zọghae vbe odẹ ọghe orhion vbe afiwerriẹ gha rhiegbe maa? Ghee ne vidio Gha Re Nọ Deziẹn Vbe Odẹ Ọghe Orhiọn Vbe Afiwerriẹ Rhọkpa Gha Rhiegba Maa, ne u rhie ewanniẹn ye avbe inọta na:
De ibude ne ọtẹn ọkpa rhie ne uhunmwuta ẹgbẹe ọkpa?
De vbene ilele nọ rre ebe Matiu 7:25 ya dekaan ẹgbẹe na hẹ?
De emwamwa ne ẹgbẹe na ru, iran ke mu okhian gha rrie ehe ọvbehe kevbe de vbene ọna ya ru iyobọ ne iran hẹ?
Vbọ ru iyobọ ne ẹgbẹe na, ne a na miẹn wẹẹ iko ọgbọn ne iran ghi ye kevbe ẹdogbo ne iran ghi na kporhu, sẹtin gua iran egbe ro?
Afiwerriẹ eso nọ he rhiegbe maa vbe arrọọ ọghomwẹ vbe ọ ma he kpẹẹ gbe na:
De vbene I khian ya sẹtin loo igiemwi ne I miẹn vbe vidio na hẹ?